Sport

Veseli nënshkruan kontratë të re

Autori: Gazeta inFokus 15:39 | 25 Gusht 2017

Frederik Veseli iu bashkua ekipit të Empolit sezonin e shkuar, pasi doli lojtari i lirë nga Lugano.

Fillimisht pati vonesa, për shkak të problemeve me klubin zviceran, por më pas gjithçka u zgjidh dhe u dha “OK” që mbrojtësi i djathtë të luante me skuadrën italiane.

24-vjeçari u aktivizua në Serinë A në 17 ndeshje (11 si titullar), ndërkohë që në fund Empoli nuk e siguroi dot qëndrimin në elitën e futbollit italian.

-Advertisement-

Këtë sezon ai do të jetë një nga lojtarët më të rëndësishëm të skuadrës, ndërkohë që ka ardhur edhe rinovimi i kontratës deri në qershorin e vitit 2021.

Ka qenë klubi i Empolit që me anë të një komunikate në faqen zyrtare në “Facebook” ka njoftuar zgjatjen e kontratës me mbrojtësin shqiptar.