Lajme

Vendimi i Supremes për Hanin e Elezit, vjen reagimi i Rufki Sumës

Autori: Gazeta inFokus 15:14 | 25 October 2021

Gjykata Supreme e Kosovës e ka aprovuar si të bazuar ankesën e Partisë Demokratike të Kosovës, lidhur me vendimin e Panelit Zgjedhor për Ankesa dhe Parashtresa.

Supremja ka anuluar vendimin e PZAP-së që Hani i Elezit të shkojë në rivotim.

“APROVOHET si e bazuar ankesa e Mehmet Ballazhi, kandidat për kryetar të Komunës së Hanit të Elezit, i subjektit politik Partia Demokratike e Kosovës (PDK), ANULOHET vendimi i Panelit Zgjedhor për Ankesa dhe Parashtresa (PZAP), Anr.693/2021, të datës 21.10.2021, dhe çështja i kthehet PZAP-it, në rivendosje”, thuhet në vendim.

-Advertisement-

E pas këtij Vendim, për FrontOnline ka folur Rufki Suma, kandidat i pavarur për kryetar të kësaj Komune.

Ai vendimin e Supremes për të mos e çuar në rivotim këtë komunë e ka quajtur vendim politik.

“Vendimi i Gjykatës Supreme është i plotfuqishëm, nuk ka të drejt ankese. Sipas meje përderisa ka vendosur një herë PZAP që është organ profesional edhe ata janë gjyqtarë sa i përket zgjedhjeve mirëpo Gjykata Supreme është organ më i lartë. Unë mendoj se më shumë ka qenë vendim politik megjithatë është vendim i një organi të drejtësie dhe nuk kemi më shumë se çfarë të kundërshtojmë”, tha ai për Front Online.

Ai tha gjyqtarët janë të zgjedhur kur në krye të shtetit kanë qenë PDK-ja.

“Është një strukturë e gjyqtarëve që janë të përzgjedhur kur PDK-ja ka udhëhequr megjithatë edhe në PZAP ka gjyqtarë dhe nuk besoj se ata janë të pashkolluar”, tha ai

Subscribe në YouTube: GAZETA INFOKUSI