Lajme

Vendimi i MD-së për suspendimin e Ilir Mulhaxhës, Oda e Përmbaruesve Privat e quan të paligjshëm

Autori: Gazeta inFokus 15:48 | 07 December 2022

Oda e Përmbaruesve Privat të Kosovës ka reaguar ndaj vendimit të Ministrisë së Drejtësisë për inicimin e procedurës disiplinore ndaj përmbaruesit privat, Ilir Mulhaxha.

Ilir Mulhaxha, përmbarues privat në Territorin e Gjykatës Themelore në Prishtinë, është suspenduar nga ushtrimi i funksionit të përmbaruesit privat deri në një vendim të Komisionit Disiplinor.

Lajmin e ka bërë të ditur zëvendësministri i Drejtësisë, Blerim Sallahu, përmes një postimi në Facebook.

-Advertisement-

Një vendim i tillë është i paligjshëm, i padobishëm dhe i ngutshëm sipas Odës së Përmbaruesve Privat.

Në reagimin e tyre thuhet se Ministria e Drejtësisë nuk ka kompetencë për të nxjerrë vendime të tilla, përderisa ato nuk rekomandohen nga Komisioni Disiplinor.

“Oda e ka parasysh faktin se Ministria e Drejtësisë ka kompetencat e saja të caktuara, por Oda Konsideron se në vendimin konkret Ministra e Drejtësisë thjesht ka shkelur ligjin”, thuhet në komunikatën për media.

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme