Sport

Vazhdon interesimi i Barçës për Griezmannin

Autori: Gazeta inFokus 14:41 | 10 October 2017

Barcelona shënjestron Antoine Griezmannin e Atletico Madridit.

Paolo Dybala ka qenë një objektiv i hershëm i katalansve. Madje, gjatë tregut të transferimeve që lamë pas u fol shpesh për një transferim të mundshëm të argjentinasit në radhët e blaugranave.

Oferta ishte konkrete, por drejtori i përgjithshëm i Juventusit, Beppe Marotta në shumë raste është shprehur i prerë në lidhje me këto zëra. Dybala nuk ikën, pavarësisht shumës që mund të ofrohet për të. Në muajt në vazhdim drejtuesit bardhezinj do të bëjnë çmos për ta blinduar numrin 10.

-Advertisement-

Nisur nga ky fakt, Barcelona tashmë është vënë në ndjekje të një tjetër sulmuesi, atij të Atletico Madrid, Antoine Griezman. Sipas asaj që raportojnë mediat spanjolle, qëllimi i balugranave është që t’ia shkëpusë Atleticos yllin e skuadrës përpara fillimit të botërorit në Rusi. Momentalisht francezi ka një klauzolë që kapë shifrën e 200 milionë eurove, klauzolë që qershorin e ardhshëm do të reduktohet në 100 milionë euro, duke thjeshtësuar në një farë mënyrë operacionin.

Në radhët e Los Colchoneros duket se tashmë i janë dorëzuar idesë që sulmuesi nuk do të jetë më pjesë e skuadrës sezonin e ardhshëm, duke parë dhe interesin e fortë që ka United për 26-vjeçarin.

Sidoqoftë pista Liga Premier është opsioni që kuptohet më pak pasi dëshira e Grizemann është të vazhdojë aventurën në La Liga. /SS/