Vazhdon dëshminë dëshmitari i 65-të në rastin Thaçi dhe të tjerët
![](https://gazetainfokus.com/wp-content/uploads/2024/05/specialjaaaa-852x460.png)
Autori: Gazeta inFokus
13:38 | 23 May 2024
Në Dhomat e Specializuara të Kosovës (DhSK) në Hagë po vazhdon dëshminë dëshmitari i 65-të i Zyrës së Prokurorit të Specializuar i cili mbanë kodin W04710 në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.
Ky dëshmitar, dëshminë e ka nisur të mërkurën dhe sipas përmbledhjes së lexuar nga prokurorja Alexandra Insinga ai është i afërm i një viktime e cila është zhdukur dhe vrarë nga Drenoci, raporton “Betimi për Drejtësi”.
Përpara se të vazhdohet me dëgjimin e dëshmisë së këtij dëshmitari, kryetari i trupit gjykues Charles Smith III tha se do të diskutojnë lidhur me një çështje fillimisht, por që seanca kaloi në sesion privat me arsyetimin e mbrojtjes së dëshmitarit dhe informacionit konfidencial.
Megjithatë, vlen të theksohet se është bërë modifikimi për pushimet në orarin e sotëm të seancës për sesionin e paradites ndërsa, orari i pasdites mbetet i pandryshuar.
“Seanca e parë do të zgjasë deri në orën 10:30, pasuar nga një pushim prej 15 minutash. Seanca e dytë do të vazhdojë deri në orën 12:00. Pushimi i drekës do të jetë prej orës 12:00 deri në ora 14:30, ndërsa seanca e fundit do të mbahet prej orës 14:30 deri në 16:30”, thuhet gjithashtu edhe në njoftimin e DhSK-së.
Kujtojmë që gjatë fundit të seancës së djeshme, kryegjykatësi Charles Smith III tha se ZPS-ja ka propozuar që dy dëshmitarë të tjerë të dëshmojnë përmes video-lidhjes për çka tha se vendimi do të merret me vonë. Ndryshe, palët mbrojtëse nuk e kundërshtuan këtë parashtrim të ZPS-së.
Zyra e Prokurorit të Specializuar më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
![](https://gazetainfokus.com/wp-content/uploads/2024/04/gatuaj-shqip1.jpg)
Të tjera
-
Gërvalla në takimin e grupit “Miqtë e Ballkanit Perëndimor”: Kosova të anëtarësohet në BE
Ministrja e Punëve të Jashtme dhe Diasporës, Donika Gërvalla, e ka publikuar ...
-
Konjufca: S’pres diçka të rëndësishme nga takimi Kurti-Vuçiq, Asociacioni s’është në rend dite
Kryetari i Kuvendit të Kosovës, Glauk Konjufca, duke komentuar takimin e së m...
-
“Së shpejti do të vihet në vend drejtësia”, thotë Begaj për masat e BE-së ndaj Kosovës
Presidenti i Shqipërisë, Bajram Begaj ka deklaruar se masat e Bashkimit Evr...
-
Takimi për dialogun, Tahiri: Do të jenë temat që i ka prodhuar Kurti këto dy vjet e gjysmë
Shefi i grupit parlamentar i PDK-së, Abelard Tahiri në deklarimin pas mbledhj...
-
Kurti e Vuçiq kthehen në dialog, analistët kritikojnë ndërmjetësuesit
Të mërkurën në dialog do të kthehen kryeministri i Kosovës, Albin Kurti dhe p...
-
LDK e PDK thonë se do të dërgojnë projektligjin për KPM-në në Kushtetuese
Lidhja Demokratike e Kosovës dhe Partia Demokratike e Kosovës, do ta dërgojnë...
-
Sulmi ndaj KFOR-it dhe policisë në Zveçan – 15 muaj burgim për të akuzuarin
Gjykata Themelore në Prishtinë e ka dënuar me 15 muaj burgim të akuzuarin për...
-
Begaj shpallet “Qytetar Nderi” i Drenasit: Momenti i veçantë në jetën time
Presidenti i Shqipërisë Bajram Begaj, zyrtarisht është shpallur “Qytetar Nder...
-
ZPS-ja thotë se dëshmitari i 73’të ka njohuri për mënyrën e funksionimit të Shtabit të Përgjithshëm të UÇK-së
Në gjykimin ndaj ish-krerëve të Ushtrisë Çlirimtarë të Kosovës (UÇK) në Hagë,...
-
Për tri orë shi në Prishtinë i merr uji “përjetimet” e Përparim Ramës
Reshje të mëdha shiu përjetoi mbrëmë Prishtina, shi ky i cili për pak orë arr...
-
E djathta ekstreme në Francë shkakton shqetësim deri në Kosovë
“Bixhoz i rrezikshëm” – kështu e përshkruan shumë media perëndimore vendimin ...
-
KFOR-i mban trajnim për kontrollin e trạzirave dhe turmave
Njësia e Specializuar e KFOR-it ka mbajtur në Prishtinë një trajnim për kontr...