Lajme

Vazhdojnë kërkimet për 59-vjeçaren që u hodh nga Ura e Fshajt para pesë ditësh

Autori: Gazeta inFokus 15:31 | 20 June 2023

Forca e Sigurisë së Kosovës ka njoftuar se po vazhdon operacioni i kërkim-shpëtimit për 59-vjeçaren A.M., e cila më 16 qershor ka rënë nga Ura e Fshajt.

Përmes një komunikate, FSK bën të ditur se kërkimet po vazhdojnë bashkë me Policinë e Kosovës dhe autoritetet lokale të Komunës së Gjakovës.

“Ekipet e Kërkim Shpëtimit në ujëra të Gardës Kombëtare të Forcës së Sigurisë së Kosovës, së bashku me Policinë e Kosovës dhe autoritet lokale të komunës së Gjakovës, dhe me kërkesën për angazhim të Qendrës së Situatave të Qeverisë së Republikës së Kosovës, janë duke realizuar operacionin e Kërkim Shpëtimit të personit të zhdukur me inicialet A.M i moshës 59 vjeçare, zhdukur që nga data 16.06.2023.

-Advertisement-

Operacioni i kërkim shpëtimit ka filluar para katër ditësh nga ura e Fshajt ku është parë personi në fjalë para incidentit dhe është duke vazhduar deri në gjetjen dhe dorëzimin tek autoritetet kompetente”, thuhet në njoftim.

Subscribe në YouTube: GAZETA INFOKUSI