Sport

Vashat e Kombëtares A- premtojnë lojë të mirë kundër Ukrainës

Autori: Gazeta inFokus 15:38 | 01 March 2018

Pas ndeshjes me Francën B, ku pësuan një humbje të thellë, vashat e Kombëtares A, duhet që sa më shpejt të harrohet dhe të i kthehen lojës së tyre më të mirë sepse këto dinë dhe munden ta bëjnë, shkruan infokusi.

Në stërvitjen e sotme që u përqendruar në lojë mbrojtëse dhe kundërsulme, gjuajtja nga këndi dhe gjuajtjet e lira, futbollistet e Kombëtares punuan me shumë përkushtim e zell. Atmosfera në ekipin kombëtar është mjaft e mirë, ndërsa gjendja shëndetësore e tyre sipas fjalëve të mjekut të ekipit mjekësor Enver Hoxha, është e mirë me përjashtime të disa lëndimeve të vogla, por që nuk ndikojnë në aktivizimin e tyre në ndeshje. Kombëtarja A takohet nesër me Ukrainën prej orës 17.00 në stadiumin Starlight Side. Pas stërvitjes ja se çka deklaruan:

Afërditë Fazlija , përzgjedhëse

-Advertisement-

Pas humbjes kundër Francës do të përpiqemi të bëjmë përmirësimet e duhura. Stërvitja ishte e mirë, disponimi i vajzave është mirë. Mendoj se në ndeshjen me Ukrainën do të jetë më ndryshe më e mirë. Në ndeshjen me Francën sikur të vajzat mbretëroi një respekt tepruar, ndonëse e kuptueshme përballë një rivali siç ishte Franca. Nesër me Ukrainën do ta zhvillojmë një lojë më të mirë dhe lojën tonë. Kemi disa lëndime të vogla por që nuk e pamundësojnë asnjërën që të jetë pjesë e ekipit në lojë.

Kaltrinë Biçkaj, futbolliste

Kemi punuar mirë, jemi mobilizuar maksimalisht dhe do të komponohemi mirë dhe shpresojë dhe besojë se do të kemi paraqitje rezultat më të mirë kundër Ukrainës.

Agnesa Rexha, futbolliste

E patëm një lojë kundër Francës shumë të vështirë, por unë besoj se jemi përgatitur më mirë. Jemi komponuar më mirë dhe do të japim maksimumin dhe shpresojë në rezultat pozitiv.

Leonorë Ejupi, futbolliste

Kemi stërvitur mirë, jemi përgatitur mirë dhe do të kemi një paraqitje të mirë dhe do ta zhvillojmë lojën tonë dhe unë besojë në grupin e vajzave dhe nesër do të jemi të gatshme kundër Ukrainës.