Lajme

Varroset basketbollisti i Kosovës Gazmend Sinani

Autori: Gazeta inFokus 20:55 | 23 June 2018

I është dhënë lamtumira e fundit përfaqësuesit të kombëtares së Kosovës në basketboll, Gazmend Sinani.

I ndjeri Sinani është varrosur në varrezat e qytetit në Prishtinë në Dragodan, ku të pranishëm ishin familjarë, miq, e sportistë dhe një numër ri madh i qytetarëve.

Sinani karrierën në basketboll e filloi te grupmoshat e reja në Prishtinë dhe pastaj basketbollin e vazhdoi në Turqi, ku ishte pjesë e akademisë së Fenerbahçes dhe kombëtareve turke të grupmoshave të reja.

-Advertisement-

Në Kosovë ka luajtur për Prishtinën, Bashkimin e Rahovecin, kurse në klube të ndryshme turke është paraqitur disa sezone. Ndërsa sezonin e fundit luajti në ligën elite në Angli.

Sinani ishte anëtar i Përfaqësueses së Kosovës, që nga pranimi i FBK-së në FIBA.

I ndjeri Sinani ka humbur jetën në një aksident rrugor që ka ndodhur në Gjakovë në mëngjesin e hershëm të ditës së shtune.

Në po të njëjtin aksident lëndime trupore kanë pësuar edhe Granit e Fisnik Rugova, Altin Morina dhe fizioterapeuti i reprezentacionit Kujtim Shala.

Familjen Sinani e kanë ngushëlluar përfaqësuesit më të lartë të shtetit të Kosovës, Federata e Basketbollit të Kosovës, të cilët vdekjen e tij e kanë quajtur një humbje të madhe

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme