Sport

Valverde e pagëzon Suarez si “vrasësin e Realit”: Janë të paktë lojtarët e aftë si ai

Autori: Gazeta inFokus 09:54 | 28 February 2019

Trajneri i Barcelonës, Ernesto Valverde, thotë se ka pak lojtarë, që mund të “përputhen” me rekordin e golave të shënuar nga Luis Suarez kundër Real Madridit, pasi uruguajani i udhëhoqi katalanasit drejt fitores 3-0 në “El Clasico” e të mërkurës në mbrëmje, e vlefshme për Kupën e Mbretit.

Fituesit në fuqi të këtij kompeticioni triumfuan me rezultatin e përgjithshëm 4-1 ndaj “Los Blancos”, në gjysmëfinale. Suarez shënoi dy herë në pjesën e dytë dhe ishte fare pranë “hat-trick”, duke qenë se e detyroi Raphael Varane ta dërgonte topin në rrjetën e tij.

Sulmuesi në fjalë ishte po aq i pamëshirshëm në klasiken e fundit të La Liga-s, duke shënuar tri herë në fitoren 5-1 në “Camp Nou”, tetorin e kaluar, çka solli shkarkimin e Julen Lopetegui nga stoli i Real Madridit. Në të vërtetë, Suarez ka shënuar 11 herë kundër “Los Blancos”, në të gjitha garat, më shumë se ndaj çdo skuadre tjetër, duke luajtur për Barçën.

-Advertisement-

Trajneri Valverde mendon se 32-vjeçari ka një rekord të tillë kundër Real Madridit, sa çdo lojtar do të ndihej krenar: “Unë nuk mendoj se ka shumë lojtarë të aftë për të shënuar tri herë kundër Real Madridit në një ndeshje, dhe dy herë të tjera në Kupën e Mbretit, në të njëjtin sezon.

Çuditërisht, në Lyon kemi pasur 25 goditje drejt portës me ekip të njëjtë, por nuk kemi shënuar. Dhe nuk është folur për krizë. Kemi luajtur dy ndeshje të ndryshme kundër Real Madridit, në “Bernabeu”. Në fillim ata ishin më mirë, ndërsa ne vuajtëm. Na bllokuan në zona të caktuara dhe ritmi ynë ishte shumë i ngadalshëm.

Në pjesën e dytë luajtëm me vendosmëri më të madhe. Gjëja që ndryshoi rrjedhën e lojës ishte goli, kryesisht. Nuk kishim asnjë rast në pjesën e parë, në të dytën ia dolëm të zhbllokoheshim”.

Subscribe në YouTube: GAZETA INFOKUSI
Etiketa:
FREE FRIDAY ME ZBRITJE DERI 70%
-Advertisement-

Të tjera

Fokusi

sport