Shëndetësi

Vaksina HPV mund të parandalojë kancerin edhe te meshkujt

Autori: Gazeta inFokus 11:46 | 31 March 2023

Kanceri i qafës së mitrës është një nga kanceret më të shpeshta nga të cilat preken gratë.

Një studim i kryer në vitin 2013 tregoi se në çdo minutë, një grua vdes për shkak të kancerit të qafës së mitrës. Sipas studimeve Vaksina HPV është mjaft efektive dhe i ndihmon gratë. Sipas OBSH-së, vaksina HPV duihet bwrw nga tw gjitha gratë, por veçanërisht nga ato që janë më të rrezikuara për t’u infektuar.

Virusi HPV gjithashtu mund të shkaktojë kancer te meshkujt

-Advertisement-

Virusi HPV nuk shkakton vetëm kancer të qafës së mitrës, por gjithashtu mund të shkaktojë kancer në pjesët riprodhuese të trupit mashkullor. Ata mund të kenë kancer anal dhe kancer oral gjithashtu. Sipas hulumtimeve, edhe meshkujt duhet të bëjnë këtë vaksinë. Ky fakt nuk është vënë në vëmendje gjatë inkuadrimit të politikave të shëndetit publik rreth virusit HPV. Burrat nuk janë të vetmit në rrezik, ata mund të vënë në rrezik edhe gra e tyre dhe anasjelltas.

Pse duhet ta bëjnë këtë vaksinë edhe meshkujt?

Ashtu si ka gra të rrezikuara nga ky lloj kanceri, ka edhe burra të rrezikuar. Ekspertët thonë se femrat kanë mundësinë të kontrollohen rregullisht, gjë që meshkujt nuk e bëjnë. Nuk ka asnjë kontroll të disponueshëm për meshkujt për asnjë lloj kanceri dhe kjo i ekspozon ata në rrezik edhe më shumë. Kjo është edhe më shumë arsyeja pse djemve dhe burrave duhet t’u jepet kjo vaksinë.

Përfitimet e vaksinës

Vaksina HPV ka për qëllim të mbrojë njerëzit nga kanceri, por ka edhe përfitime të tjera. HPV ndodh përmes transmetimit seksual dhe një partner mund ta transmetojë atë tek të tjerët. Vaksina HPV mund të parandalojë këtë përhapje nga një person te tjetri. Një gjë e rrezikshme për virusin është se ai nuk shfaq simptoma menjëherë. Nëse një person është infektuar me virusin, do vazhdojë ta përhapë për shkak të mungesës së mosdijes.

Megjithatë, nëse njerëzit, si burrat ashtu edhe gratë vaksinohen, kjo mund të parandalohet dhe mund të ketë një reduktim të ndjeshëm të përhapjes së këtij virusi në popullatë. Sipas hulumtimit, kjo vaksinë ka rezultuar të jetë efektive si për gratë ashtu edhe për burrat.

Subscribe në YouTube: GAZETA INFOKUSI