Lajme

Vajza e Nikola Sanduloviq e shqetësuar: Babanë duan ta vrasin në burg

Autori: Gazeta inFokus 11:10 | 08 January 2024

Klara Sanduloviq, vajza e politikanit Nikola Sanduloviq, ka dhënë detaje në lidhje me ngjarjen e rëndë që i ndodhi atij, ku ditë më parë u rrah brutalisht nga BIA serbe.

Në një intervistë për emisionin ‘Good Morning Albanians’ në Euronews Albania, ajo theksoi se gjendja shëndetësore e të atit është e rëndë, por megjithatë ende nuk e di saktësisht pasi policia nuk i ka dhënë asnjë informacion për të dhe pse ishte ta vizitonte në burg.

Ajo tha se autoritetet po fshehin informacionin, pasi sipas saj të atin duan t’ia vrasin në burg.

-Advertisement-

“Babai im ndodhet në burg prej tre ditësh. Shkova në burg ditën e djeshme në mëngjes dhe e pyeta për të ditur se si është gjendja e tij shëndetësore. Ata nuk donin të më thoshin asgjë. Një nga policët më tha se i vinte keq, por që nuk kishte të drejtë të jepte informacion për gjendjen e tij shëndetësore dhe pse unë jam vajza e tij. Ata po e fshehin, ai nuk ka bërë asnjë lloj krimi. Ata po e mbajnë atë për të fshehur gjendjen shëndetësore që është aktualisht. Unë dyshoj se po mbajnë atë në burg se duan ta vrasin”, ka thënë ndër tjerash ajo.

Rikujtojmë se, Sandoloviq një ditë pasi publikoi videot duke bërë homazhe në varrezat e familjes Jashari në Prekaz është rrahur në Serbi.

Për 24 orë familja e tij nuk kishte asnjë informacion për vendndodhjen e tij dhe shërbimi sekret refuzoi të jepte informacione duke i lënë në agoni.

Subscribe në YouTube: GAZETA INFOKUSI