Lajme

Ushtria e Serbisë e sjell artilerinë 2 km afër Jarinjës

Autori: Gazeta inFokus 17:08 | 26 December 2022

Afër pikëkalimit kufitar mes Kosovës dhe Serbisë në Jarinjë, Serbia ka sjellë automjete të rënda ushtarake. Televizioni N1, që shërben si filial i CNN-it raporton se gjashtë topa me rreze të gjatë veprimi të ushtrisë serbe dhe një numër i caktuar i policisë ushtarake janë pozicionuar aty.

Presidenti serb, Aleksandar Vuçiq e ka urdhëruar dje shefin e shtabit të përgjithshëm të ushtrisë së Serbisë, Milan Mojsiloviq, që të shkojë në Rashkë, në kufi me Kosovën.

Mojsiloviqi tha se situata është e tillë që “kërkon praninë e ushtrisë serbe”. Ai tha se “detyrat që i janë dhënë ushtrisë serbe janë precize dhe të qarta”, pa shpjeguar se për çfarë bëhet fjalë.

-Advertisement-

Serbia u përpoq seriozisht t’ia vë zjarrin veriut të Kosovës të dielën natën. Disa media serbe raportuan se rreth orës 20:00 të së dielës ishin dëgjuar shkëmbime zjarri në Zubin Potok dhe se të shtënat kishin ndodhur pasi Policia e Kosovës, sipas tyre, kishte dashur t’i hiqte barrikadat në këtë komunë në veri të Kosovës.

Policia reagoi më pas duke i demantuar këto pretendime.

Misioni paqeruajtës i NATO-s në Kosovë, KFOR-i konfirmoi për Express se “ka dëgjuar dhe ka parë” të shtëna në afërsi të një patrulle në Zubin Potok. Por nga zyra për media e KFOR-it thanë se “nuk ka të lënduar dhe nuk ka dëme materiale”.

Videon mund ta shihni duke klikuar KËTU.

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme