Lajme

Uragani “Ian” nuk dobësohet! Shkatërron gjithçka, shkon dy shteteve të tjera amerikane!

Autori: Gazeta inFokus 12:57 | 30 September 2022

Punonjësit e kërkim-shpëtimit janë vënë në garë me kohën në Florida, ku uragani Ian mbolli vetëm shkatërrim në rrugën e tij.

Të paktën 10 persona raportohet të kenë vdekur në këtë shtet, por zyrtarët druhen se numri i viktimave mund të rritet ndjeshëm. Presidenti Joe Biden e kishte paralajmëruar se kjo suthi mund të ishte në fakt uragani më vdekjeprurës në historinë e Floridës, me një “humbje të konsiderueshme jetësh”. Ian, që nuk e ka humbur forcën e tij, përkundrazi, tani po lëviz në brendësi të vendit dhe po shkon drejt Karolinës së Veriut dhe asaj Jugut.

Ende 2.2 milionë vetë në Florida janë pa energji elektrike. Ujrat e përmbytjeve kanë qenë aq të mëdha sa kanë bllokuar disa njerëz në shtëpitë e tyre, ndërsa trupat e Gardës Kombëtare po shkojnë derë më derë në qytetin e Orlandos për të shpëtuar të bllokuarit.

-Advertisement-

Ron de Santis, guvernator i Floridës: Fakti që stuhia kaloi, nuk do të thotë që nuk ka asnjë rrezik. Deri tani janë shpëtuar 700 persona, dhe duket se do të ketë edhe shumë të tjerë, pasi angazhimi për të ndihmuar njerëzit është maksimal.

10 vdekjet e konfirmuara deri tani ishin që të gjitha në qarkun jugperëndimor Charlotte, mbi të cilin u përplasën erëra të furishme. “12 orë rresht erëra nga më të dhunshmet që kemi parë…ishte brutale për zonën”, tha një zyrtar lokal, Joseph Tiseo për BBC.

Uragani Ian goditi fillimisht Kubën, duke shkaktuar edhe atje dëme të mëdha e një ‘black out’ masiv.

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme