Sport

Unitedi po e “vëzhgon” Zidanen si pasardhës të mundshëm të Ten Hagut

Autori: Gazeta inFokus 10:09 | 03 Nëntor 2023

Manchester United po i shqyrton dy emra për të zëvendësuar Erik ten Hag pasi pozicioni i tij është nën vëzhgim mes fillimit të tyre të dobët të sezonit.

United ka pësuar dy humbje të rënda radhazi në Old Trafford, duke u mposhtur 3-0 nga Manchester City në Premier League dhe më pas duke humbur ndaj Newcastle me të njëjtin rezultat në Carabao Cup, raporton “Goal”, transmeton Klankosova.tv.

Pozicioni i trajnerit po vihet në pikëpyetje te “Djajve të Kuq” dhe “The Times” raporton se klubi tashmë po shqyrton opsionet për të zëvendësuar holandezin nëse vendosin ta shkarkojnë atë.

-Advertisement-

Ish-ylli dhe trajneri i Real Madridit, Zinedine Zidane, thuhet se është ndër opsionet që po shikojnë, ndërsa në listën e tyre është edhe shefi i Sporting CP, Ruben Amorim.

Megjithatë, situata është bërë më e komplikuar nga procesi i vazhdueshëm i blerjes. Grupi INEOS i Sir Jim Ratcliffe po negocion për të blerë një 25 për qind të aksioneve në klub dhe për të marrë kontrollin e vendimeve sportive, duke përfshirë emërimet menaxheriale.

Pavarësisht se skuadra e tij humbet ndeshjet e njëpasnjëshme me tre ose më shumë gola për herë të parë në 61 vjet, Ten Hag thotë se mund ta kthejë situatën.

Ai shkroi në “United Review” këtë javë: “Edhe pse ky nuk ka qenë fillimi i sezonit që të gjithë e kishim shpresuar, jam i sigurt se kemi talentin dhe qëndrimin si kolektiv për të ecur në drejtimin e duhur. Besoj se është vetëm çështje kohe para se të tregojmë veten tonë të vërtetë. Do të vijë, jam i sigurt. Unë vazhdoj të besoj te këta lojtarë dhe kam besim se do të përmirësohemi pas një fillimi të vështirë të sezonit”.

Ten Hag dhe yjet e tij të “Djajve të Kuq” janë nën presion për të nxjerrë një rezultat të mirë kur do të përballen me Fulhamin në Premier League të shtunën.