Sport

“Unë do të jem gjithmonë tifoz i Barcelonës” – Messi ia jep një këshillë ish-klubit të tij për ta fituar Ligën e Kampionëve

Autori: Gazeta inFokus 10:36 | 31 October 2023

Lionel Messi nuk e harron në asnjë moment Barcelonën, pasi dashuria ndaj klubit që u bë i famshëm është shumë e madhe.

Ylli argjentinas ka fituar Topin e Artë për herë të tetë në karrierën e tij, derisa ka folur në një moment edhe për Barcelonën.

Messi fillimisht tha se është një tifoz i Barcelonës dhe gjithmonë do t’i përkrah ata në garat ku marrin pjesë.

-Advertisement-

“Po, unë jam një tifoz i Barcelonës. Është klubi që e dua dhe që do ta dua gjithë jetën”, tha Messi.

36-vjeçari i ka dhënë një këshillë Barcelonës për ta fituar Ligën e Kampionëve, pasi ai e di se katalunasit kanë potencial për ta bërë një gjë të tillë.

“Barcelona ka një skuadër të madhe. Ata janë në gjendje për të luftuar për Ligën e Kampionëve”, vazhdoi tutje Messi.

“Nuk kam dyshim se ata janë një kandidat për ta fituar ‘Championsin’, por ata nuk kanë nevojë të bëjnë presion mbi vetën e tyre për të qenë favoritë”, këshilloi Messi ish-klubin e tij Barcelonën për të arritur deri te triumfi në Ligën e Kampionëve.

Messi qëndroi për 21 vite te Barcelona, derisa nga viti 2005 deri më 2021 luajti për ekipin e parë ku në 778 ndeshje zyrtare realizoi 672 gola dhe bëri 303 asistime

Subscribe në YouTube: GAZETA INFOKUSI