Lajme

Ukraina krijon administratë ushtarake në Kursk

Autori: Gazeta inFokus 11:19 | 19 August 2024

Kievi ka krijuar një administratë ushtarake në territorin e rajonit rus Kursk, tha komandanti i përgjithshëm ukrainas, Oleksandr Syrskyi.

”Në një videokonferencë, Syrskyi informoi presidentin e Ukrainës Volodymyr Zelenskyy se gjeneralmajor Eduard Moskalev është emëruar shef i zyrës ushtarake”, tha në një deklaratë Shtabi i Përgjithshëm i Ukrainës.

“Trupat tona në grupin e sulmit bënë përparim prej një deri në tri kilometra në vende të ndryshme drejt anës armike. Luftimet vazhdojnë përgjatë gjithë vijës së frontit. Në përgjithësi, situata është nën kontroll”, tha Syrskyi.

-Advertisement-

Sipas shefit ushtarak, luftimet po zhvillohen aktualisht pranë fshatit Malaya Loknya në rrethin Sudzha të rajonit Kursk.

“Shpresoj se një numër i madh i të burgosurve do të merren atje. Ne vazhdojmë të plotësojmë fondin tonë të shkëmbimit të të burgosurve”, tha ai.

Inkursioni i Kievit në rajonin e Kurskut të Rusisë filloi natën e 5-6 gushtit kur forcat ukrainase hynë pranë Sudzhas.

Më 12 gusht, presidenti ukrainas Volodymyr Zelenskyy konfirmoi operacionin, por nuk dha detaje mbi objektivat e tij. Ministria ruse e Situatave të Emergjencave raportoi se rreth 9 500 njerëz janë evakuuar nga zona e luftimit.

Presidenti rus Vladimir Putin e dënoi inkursionin duke e quajtur atë “sulm terrorist”.

Subscribe në YouTube: GAZETA INFOKUSI
Etiketa:
Coffee Show B2B në Zagreb nga Devolli Corporation
-Advertisement-

Të tjera

Fokusi

lajme