Sport

UEFA pezullon Guardiolan

Autori: Gazeta inFokus 18:45 | 12 April 2018

Është ende e freskët lamtumira e parakohshme e Manchester Cityt nga kompeticioni i Champions Leagues, me fjalët e Pep Guardiolës, që mes klasit dhe nervozizmit, bëjnë jehonë.

Ditët pas eliminimit janë edhe më të zymta, pasi tekniku spanjoll jo vetëm që u detyrua nga arbitri ta shihte pjesën e dytë të takimit me Liverpoolin nga tribuna, por tashmë është dënuar edhe nga UEFA për thyerjen e artikullit numër 69, pasi edhe nga tribuna Guardiola vijoi të instruktonte lojtarët e tij, transmeton SS.

Në mënyrë të hapur ai ka thyer kështu rregulloren e UEFA-s që ndalon trajnerët e përjashtuar të komunikojnë direkt apo indirekt me stafin dhe futbollistët. Pep duket i gozhduar, pasi pamjet filmike flasin qartë për këtë.

-Advertisement-

Për më tepër as bilancet nuk janë në favor të tij. Investimet e kryera në merkato përgjatë dy viteve të fundit për objektivin Champions kanë dështuar. Shifra e shpenzuar në merkato nga ‘The citizens’ përgjatë dy vitve të fundit, shkon në 528,8 milionë euro.

LEXO EDHE; Top 5-së golashënuesit më të mirë në Ligën e Kampionëve

Shifra e arkëtuar nga transferimet arrin ndërkohë në 130,9 milionë euro por diferenca e madhe prej 398 milionësh kryqëzon Guardiolën që pavarëisht fitimit të titullit në Premier League nuk arriti të përmbushte premtimin në dy vite radhazi, fitimin e trofeut prestigjioz të Ligës së Kampionëve.

Për të vijuar më pas në aspektin teknik, 8 golat e pësuar në një javë kanë shpërbërë sistemin e mbrojtjes të Cityt. Gjithsesi diçka është e sigurt fitues apo humbës, loja që Guardiola orienton lojtarët e tij të bëjnë në fushë, është spektakolare. Por për të rinovuar kontratën e Pep Guardiolës, drejtuesit e klubit anglez kërkojnë më shumë se sa argëtimi, sepse tashmë Premier League nuk mjafton, City kërkon Championsin.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

sport