Lajme

U shkund, por nuk u gjunjëzua! Përse tërmeti 7.4 në Tajvan la pas aq pak viktima

Autori: Gazeta inFokus 14:17 | 05 April 2024

Wu po përgatiste mëngjesin për klientët e hotelit të tij të vogël në kontenë Hualien të Tajvanit, kur toka nisi të lëkundje dhunshëm dhe mali pas ndërtesës, filloi të gjëmonte.

Nga frika se ndërtesa mund të shembej, ai i dërgoi me shpejtësi mysafirët në një vend të sigurt, thotë CNN. Por magnitudës mjaft të lartë të tërmetit më të fuqishëm në 25 vjet, godina e Wu-së pësoi shumë pak dëmtime. Kjo, sipas tij, i detyrohet përpjekjeve të vazhdueshme për ta bërë ishullin më rezistent ndaj tërmeteve. “Pas tërmetit të vitit 1999, qeveria e atëhershme kreu një rishikim rrënjësor të të gjithë kritereve të ndërtimit.

Sipas vendimeve të saj po ashtu godinat e ngritura në vijim duhet të përdornin që të gjitha teknologji të reja që i bëjnë ato më elastike ndaj tërmeteve,” thotë ai. Pesëmbëdhjetë vjet më parë, kur Wu filloi të ndërtonte bujtinë e tij dykatëshe pranë Tarokos – një park kombëtar i famshëm për kanionet e tij të pjerrëta- iu desh të merrte leje të posaçme pasi të vërtetonte qëndrueshmërinë ndaj lëkundjeve të dhunshme të tokës.

-Advertisement-

Ekspertët thonë se pikërisht këto ndryshime e kanë ndihmuar Tajvanin e prirur ndaj situatash të tilla të shmangë viktimat masive në tërmetet si ai që goditi vendin të mërkurën. Ai 21 shtatorit të vitit 1999, ishte tërmeti më i fuqishëm i regjistruar në Tajvan. Me një fuqi prej 7.7, ai la pas 2,400 të vdekur, rreth 100 mijë të plagosur dhe shkatërroi mijëra ndërtesa. Tajvani tronditet shpesh nga tërmetet për shkak të vendndodhjes së tij në Unazën e Zjarrit të Paqësorit, e njohur për aktivitetin e lartë sizmik dhe vullkanik.

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme