Në mediat tona kanë filluar raportime se Akil Gjakova është dorëzuar apo pritet të dorëzohet në stacionin policor në Pejë, pas dyshimeve për dhunë në familje.

Tashmë ka kaluar një javë kur është raportuar se bashkëshortja e tij ka raportuar në polici se xhudisti kosovar ka ushtruar dhunë.

Gjakova deklaroi se ishte jashtë vendit dhe do të paraqitej para organeve të drejtësisë sapo të arrijë në Kosovë.

-Advertisement-

Ndërkaq, në ditën e sotme (16 prill), Policia e Kosovë ka lëshuar një njoftim se Akili është në kërkim.

Në mediat tona në orët e mbrëmjes filluan raportimet se xhudisti nga peja është vetëdorëzua në polici, por që një gjë e tillë nuk ka ndodhur.

Zëdhënësi i Policisë për rajonin e Pejës, Driton Rugova ka bërë të ditur se ende nuk ka ndonjë kontakt nga Gjakova apo se është vetëdorëzuar.

“Deri në këto momente nuk kemi të raportuar për arrestim apo dorëzim të tij”, ka thënë shkurt Rugova.

Në anën tjetër, Federata e Xhudos në Kosovë ia ka dalë në mbrojtje Akilit, duke thënë se ata besojnë në pafajësinë e tij.

“Federata e Xhudos e Kosovës dënon fuqishëm çdo formë dhune dhe jemi thellësisht të shqetësuar për ngjarjet e fundit në vendin tonë”, thuhet fillimisht në reagimin e tyre.

“Ne e kemi për prioritet të mbrojmë dhe të promovojmë barazinë gjinore, e cila është e vërtetuar me arritjet kulminante dhe përkrahjen e shkëlqyeshme të sportisteve tona”.

“Ne besojmë në pafajësinë e Akilit dhe urojmë që organet e rendit të drejtësisë sa më parë të zbardhin rastin. Andaj ftojmë mediat të tregojnë maturi në trajtimin e këtij rasti dhe të ndalojnë njollosjen dhe gjykimin publik të një nga figurave që vazhdon të promovoj imazhin pozitiv të vendit tonë”.

“Akili momentalisht ndodhet jashtë territorit të Kosovës, dhe do të dorëzohet menjëherë tek organet e rendit dhe të drejtësisë në momentin që do të arrijë në Kosovë”, përfundon njoftimi i Federatës.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-