Sport

Tyson Fury: Meçi mes meje dhe Anthony Joshua do t’i ngjante atij mes Muhammad Ali vs Foreman

Autori: Gazeta inFokus 10:45 | 03 November 2017

Tyson Fury beson se një meç boksi mes tij dhe Anthony Joshua do t’i ngjante meçit historik “Rumble in the Jungle” mes Muhammad Alis dhe George Foreman.

Një numër çështjesh personale e kanë mbajtur Furyn larg boksit që prej nëntorit të vitit 2015, kur e mposhti Wladimir Klitschkon për titujt e kategorisë së rëndë WBA, IBF dhe WBO, dhe që atëherë mbetet pa licencë boksi, transmeton Express.

Në mungesë të tij, bashkëkombësi i tij Joshua ka dalë si forcë dominuese në boks, duke i fituar titujt WBA dhe IBF pasi i ka rrahur të gjithë 20 kundërshtarët e tij deri më tani.

-Advertisement-

Fury e postoi në llogarinë e vet në Instagram një fotografi të Alis dhe Foreman, me këtë mbishkrim: “Kjo duhet të ndodhë! Kampioni i vjetër duke u rikthyer për të ndeshur me një njeri për të cilin të gjithë mendojnë se do të më nokautojë mua, njësoj si Ali vs Foreman, Alia me stil vs Foreman mumjes! Të gjithë e dimë çka ndodhi në atë meç”. /Express/