Lajme

Turqia dhe Bullgaria nënshkruajnë marrëveshje për gazin natyror

Autori: Gazeta inFokus 20:47 | 03 January 2023

Turqia dhe Bullgaria kanë nënshkruar një marrëveshje për transmetimin e një gazit natyror në sasi prej 1,5 miliard metra kub në vit.

Marrëveshja e re vlen për një periudhë 13-vjeçare, tha ministri i Energjisë dhe Burimeve Natyrore të Turqisë, Fatih Dönmez, i cili qëndron në vizitë në Sofje, ku është pritur nga homologu i tij bullgar Rossen Hristov.

Dönmez shtoi se një bashkëpunim i tillë do të kontribuojë shumë në sigurinë e furnizimit me gaz natyror të Evropës, si dhe të Bullgarisë.

-Advertisement-

Marrëveshja e gazit u nënshkrua midis dy vendeve nga Drejtuesit e Përgjithshëm të Kompanisë Turke të Naftësjellësit (BOTAŞ) dhe Bulgargaz.

Marrëveshja vjen një muaj pasi liderët e vendeve dhe ministrat e Energjisë u takuan në Stamboll.

“Ne jemi të kënaqur që temat e diskutuara në Stamboll janë kthyer në hapa konkretë sot në Sofje, më pak se një muaj pas takimit tonë të fundit”, ka thënë Dönmez. /AA/

Subscribe në YouTube: GAZETA INFOKUSI