Sport

Tuchel, pas humbjes së parë: Eshtë e qartë, nuk ekziston një Neymar i dytë…

Autori: Gazeta inFokus 10:47 | 04 Shkurt 2019

Thomas Tuchel ka besim se skuadra e tij mund ta përballojë mungesën e Neymar, pavarësisht humbjes së parë të sezonit në Ligue 1, të dielën. Ylli brazilian do të mungojë dy muajt e ardhshëm për shkak të një dëmtimi tjetër “metatarsal” në fitoren e muajit të kaluar të “Coupe de France” ndaj Strasburg.

PSG e fitoi ndeshjen e parë pa ndërkombëtarin e Brazilit, kundër Rennes, por u mund 2-1 në sfidën me Lyon. Edhe pse i zhgënjyer, trajneri Tuchel sheh disa gjëra pozitive dhe është i bindur se skuadra e tij mund ta përballojë garën edhe pa Neymar, veçanërisht në Ligën e Kampionëve:

“Eshtë e qartë se ne nuk kemi një Neymar të dytë, Marco Verratti të dytë, por kam besim të plotë te lojtarët e tjerë. Kishte shumë shanse për Di Maria dhe Draxler, që bënë një ndeshje shumë të mirë.

-Advertisement-

Ne ishim shumë pasivë pas golit tonë të parë, na mungonte saktësia. Lyon luajti me shumë kualitet, por më pëlqeu pjesa jonë e dytë”.