Trusti nga janari deri sot i ka humb 36 milionë euro
![](https://gazetainfokus.com/wp-content/uploads/2023/03/trusti-750x375-1-1-600x360-1.webp)
Autori: Gazeta inFokus
16:19 | 23 March 2023
Telashet financiare në tregjet ndërkombëtare kanë ndikuar edhe tek mjetet e investuara të Trustit. Sipas zyrtarëve të këtij institucioni nga janari 2023 e deri më 20 mars 2023 (për datën e fundit që i kemi të dhënat në dispozicion) Portofoli Standard e ka një rënie prej -1.5% ose një kthim bruto prej rreth -36 milionë euro.
Ky është sqarimi i FKPK-së:
Fondi i Kursimeve Pensionale i Kosovës (FKPK) është duke i ndjekur diskutimet publike për gjendjen e investimeve të institucionit dhe për të informuar opinionin jep këto sqarime.
Mjetet nën menaxhim të FKPK-së trajtohen në dy portofole investuese:
1) Portofolin Standard (ku përfshihen të gjithë kontribuuesit deri në moshën 63 vjeçare).
2) Portofolin Konservativ (ku përfshihen të gjithë kontribuuesit e moshës 63 vjeçare e më shumë).
Mjetet e kontribuuesve të Portofolit Standard kanë në përbërje investimet që kanë kthim potencial dhe risk më të lartë, andaj edhe kanë luhatshmëri më të lartë. Për shkak të situatës së krijuar në tregjet financiare prej 10 marsit e deri më 17 mars 2023, ku disa banka të rëndësishme për ekonominë globale shfaqen vështirësi financiare duke afektuar tregjet, investimet e FKPK-së të Portofolit Standard po ashtu janë përballuar me luhatje të forta. Kjo bëri që i gjithë kthimi pozitiv nga investimet në muajt janar e shkurt 2023 të zhvlerësohet dhe për periudhën 1 janar 2023 e deri më 20 mars 2023 (për datën e fundit që i kemi të dhënat në dispozicion) Portofoli Standard e ka një rënie prej -1.5% ose një kthim bruto prej rreth -36 milionë euro.
Ndërsa për të njëjtën periudhë, Portofoli Konservativ ka një kthim pozitiv prej rreth +0.7% ose rreth 800 mijë euro, kjo meqë investimet e këtij portofoli janë në instrumente me kthim potencial dhe risk ndjeshëm më të ulët. Ky është edhe portofoli nga i cili pensionohen kontribuuesit e moshës 63 vjeçare e lartë, të cilët nuk prekën nga luhatjet në tregjet financiare dhe edhe nën këto kushte kanë kthim pozitiv për vitin 2023. Kjo është edhe kategoria më e ndjeshme e kontribuuesve në këso situata, dhe kjo zgjidhje për ta ka dhënë efekt shumë të kënaqshëm.
Bazuar në përvojën e institucionit dhe përbërjes së portofolit aktual investues, nuk mund të themi që mjetet e FKPK-së si tërësi janë të rrezikuara, por gjithsesi institucioni është në gjendje të vështirë pa organin kryesor vendimmarrës sipas legjislacionit në fuqi.
Njëkohësisht duam të sqarojmë se FKPK-ja i ka kryer të gjitha detyrat me kohë, duke e njoftuar disa herë Komisionin Përzgjedhës për afatet e skadimit të mandatit të Bordit Drejtues të FKPK-së. Po ashtu FKPK-ja, sipas kërkesës se Komisionit, e ka shpallur konkursin për anëtarë të Bordit Drejtues dhe pas mbarimi të konkursit i gjithë dokumentacioni për kandidatët për anëtarë të Bordit Drejtues është dorëzuar në BQK.
![](https://gazetainfokus.com/wp-content/uploads/2023/07/foto-oksigjenni.png)
Të tjera
-
Kurti pas eliminimit të Shqipërisë nga EURO 2024: E ardhmja është premtuese
Kryeministri i Kosovës, Albin Kurti, ka reaguar pasi kombëtarja e Shqipërisë ...
-
Rama: Kombëtarja Kuqezi e kreu misionin e saj të pamundur duke luajtur futbollin më të mirë ndonjëherë
Kryeministri Edi Rama ka shkruar pas humbjes së Shqipërisë nga Spanja. “Ng...
-
Erë e pazakontë në kabinë: Anulohet fluturimi i aeroplanit zviceran me 180 pasagjerë
Afër 180 pasagjerët, sa ishin aty, u bartën në një tjetër lidhje nëpërmjet Gj...
-
Vërshime në Pejë, pamje nga vendi i ngjarjes
Peja po përballet me reshje të mëdha shiu, ashtu sikurse ndodhi mbrëmë në Pri...
-
Arrestohet ish-asistenti i kryeministrit Kurti
Mbrëmjen e sotme duket se është arrestuar asamblisti i Komunës së Prishtinës ...
-
Vuçiq i trishton serbët: Pres eskalim të situatës në Evropë dhe botë muajt e ardhshëm
Presidenti i Serbisë Aleksandar Vuçiq në një adresim për media të hënën në Be...
-
Edhe Papa Françesku në përkrahje të Kombetarës së Shqipërisë
Sot është ndeshja e shumëpritur mes Shqipërisë dhe Spanjës, e cila është vend...
-
Raporti i DASH-it: Kosovës i rekomandohet të shqiptojë dënimet e duhura për trafikim me qenie njerëzore
Departamenti amerikan i Shtetit (DASH) publikoi raportin vjetor mbi trafikun ...
-
Osmani i jep zemër Shqipërisë për ndeshjen e sotme ndaj Spanjës
Presidentja e Kosovës, Vjosa Osmani, ka ndarë një video në kuadër të ndeshjes...
-
E trishtë: Ky është personi që u gjet i vd ekur brenda veturës në Sllatinë
Gazeta raportoi sot për një rast që ka ndodhur në Sllatinë, ku zyrtarët poli...
-
“S’ka ushtar që fle mirë pas luftës” – Veteranët mbeten pa rehabilitim psiko-social
Një armë, pak fishekë, një shok pranë krahut. Në mes të vitit 1998, Bekim Sha...
-
Lajçak: S’po shkoj askund, jam i fokusuar në dialogun Kosovë-Serbi dhe përgatitjen e hapave të ardhshëm
I dërguari i posaçëm i Bashkimit Europian, Miroslav Lajçak tha se nuk është a...