Sport

Truproja e Messit shndërrohet në Usain Bolt me vrapimin e tij marramendës për ta mbrojtur argjentinasin

Autori: Gazeta inFokus 10:16 | 09 October 2024

Truproja e yllit argjentinas, Lionel Messi, Yassine Chueko, ka befasuar të gjithë me shpejtësinë e tij, gjatë një vrapimi që kishte synim të mbronte ‘klientin’ e tij nga një djalosh që hyri në fushë gjatë ndeshjes.

Kishte diçka interesante në ndeshjen e fundit të Inter Miamit para pushimit ndërkombëtar.

Inter Miami ishte për vizitë në Toronto dhe fitoi 1-0, ndërsa ylli i parë i ndeshjes, si zakonisht, ishte argjentinasi Messi.

-Advertisement-

Lojtari më i mirë i të gjitha kohërave pa dyshim tërheq shumë vëmendje kudo që shfaqet, e kështu ka ndodhur edhe tani kur një tifoz kapërceu gardhin mbrojtës dhe shkoi për të bërë një foto me argjentinasin.

Nuk ka munguar edhe një video e truprojës së tij, Yassine Chueko, i cili u “transformua” menjëherë në sprinterin më të mirë të të gjitha kohërave, Usain Bolt, dhe arriti tek fansi i lartpërmendur për ta ndaluar atë nga plani i tij.

Ndryshe, Messi aktualisht ndodhet në grumbullimin e kombëtares së Argjentinës, e cila do të luajë dy ndeshje kundër Venezuelës dhe Bolivisë në kuadër të ciklit kualifikues për Kupën e Botës 2026.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

sport