Shëndetësi

Truk nga kuzhina: Si t’i mbani të freskët sallatën e gjelbër, qepën e re dhe majdanozin edhe deri në shtatë ditë!

Autori: Gazeta inFokus 12:33 | 14 May 2017

Artikujt ushqimorë pranverorë janë me bollëk në tryezat e shtëpive tona, mirëpo këto janë shkathtësitë se si të mos përfundojnë para kohe në mbeturina. Fjala është për truqet shumë të thjeshta.

E gjitha që duhet të bëni, p.sh., me majdanozin, është që ta vendosni në një gotë me ujë, sikur i vendosni lulet në vazo, transmeton Telegrafi.

Bimët e erëzave të freskëta që kanë strukturë të butë, si p.sh. majdanozi apo estrogjeni, gjithmonë ruani në frigorifer në një gotë në të cilën keni qitur ujë në sasi prej dy centimetra e gjysmë. Në këtë mënyrë do të zgjasin më shumë, sepse nuk do të vyshken shpejt.

-Advertisement-

Në të njëjtën mënyrë disa ruajnë qepën e re – e lënë në ujë aq sa mbetjet e rrënjëve të jenë nën ujë.

Bimët drunore të erëzave si p.sh. rozmarina apo temjani ruhen në mënyrë tjetër. Ato duhet t’i mbështillni në fletë të njomur letre, t’i lini ashtu në qese dhe t’i mbyllni.

Si të shpëtoni tepricën e bimëve të erëzave të freskëta?

Në rast që keni blerë shumë erëza të freskëta dhe e dini që do të prishen, thjesht vendosni në frigorifer me ngrirje të thellë.

Grini, vendosni në një enë e cila shërben për të bërë kube akulli dhe në to qitni ujë. Kur erëza e caktuar ju nevojitet, nxirrni një ose dy kube dhe qitni në tenxhere.

Tepricën mund ta ruani edhe në mënyrën që ta pritni, ta vendosni në një kavanoz dhe t’i qitni vaj ulliri apo ndonjë vaj tjetër. Më vonë, sipas nevojës,i qitni në gjellë.

Edhe truku për ruajtje të sallatës së gjelbër

Lajeni sallatën fletë për fletë, pastaj terni me peshqir dhe mbyllni hermetikisht në një enë.

Sallata do të zgjasë dyfish më shumë. Fletët nuk do të prishen shpejt dhe do të jenë mjaft kërcëlluese.

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

shendetesi