Lajme

Tre ushtarë izraelitë të vrarë afër kufirit me Egjiptin

Autori: Gazeta inFokus 14:54 | 03 June 2023

Tre ushtarë izraelitë janë varë dhe disa të tjerë janë plagosur, nga një person i armatosur afër kufirit me Egjiptin, ka thënë ushtria.

Autoritetet izraelite kanë thënë se një ushtar dhe një ushtare janë qëlluar për vdekje në mëngjesin e së shtunës.

Trupat e tyre janë gjetur, pasi një zyrtar nuk ka arritur t’i kontaktojë.

-Advertisement-

Sulmuesi i dyshuar më pas është vrarë, derisa një ushtar i tretë izraelit është qëlluar për vdekje gjatë operacionit të kërkimit.

Për këtë incident është raportuar vetëm disa orë pas një operacioni kundër kontrabandimit të drogës në kufi.

Një zëdhënës i ushtrisë izraelite, koloneli Richard Hecht, ka thënë se është konfiskuar drogë në vlerë të 400.000 dollarëve amerikanë.

Ai ka thënë se rasti besohet se është i lidhur me të shtënat që janë raportuar më pas.

I pyetur për identitetin e sulmuesit, Hecht u ka thënë se gazetarëve se ai mund të ketë qenë pjesëtar i “grupit xhihadist Shteti Islamik, mund të ketë qenë roje kufitare, kontrabandist”.

Në deklaratën e ushtrisë është thënë se “hetimet janë duke u kryer në bashkëpunim të plotë me ushtrinë e Egjiptit”./REL

Subscribe në YouTube: GAZETA INFOKUSI
Etiketa:
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme