Sport

Trajneri i njohur italian, injoron keq Strakoshan

Autori: Gazeta inFokus 17:43 | 15 August 2017

Ndërkohë që mediat më të mëdha italiane, portalet dhe gazetat sportive i dedikuan një hapësirë të veçantë performancës së portierit shqiptar në finalen e Superkupës, trajneri Alberto Zakeroni i surprizoi të gjithë.

Ishte zgjedhur nga “Rai Uno” si analist i ndeshjes, por nuk u tregua aspak korrekt, sepse në minutat e para nuk e vlerësoi shqiptarin për ndërhyrjet vendimtare që bëri për të shpëtuar portën

“Lëvizje shumë e bukur e Cuadrados dhe aksion interesant i Juventusit. Rast i shkëlqyer për bardhezinjtë”, tha Zakeroni, duke harruar që ai rast u mbyll me saktësi dhe përpikëri nga portieri Strakosha.

-Advertisement-

Ish-trajneri i Milanit nuk i ka njohur asnjë meritë në këtë rast, por për më tepër nuk e përmendi asnjëherë gardianin kuqezi në komentin dhe analizën që bëri gjatë finales së Superkupës së Italisë.

Në fundin e ndeshjes, ai tha se lojtarët e Juventusit nuk bashkëpunuan shumë me njëri-tjetrin dhe ishin të brishtë në momentin kur e humbnin topin.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

sport