Sport

Trajneri i Portugalisë zbulon ëndrrën më të madhe që ka Cristiano Ronaldo

Autori: Gazeta inFokus 14:17 | 17 March 2021

Në prag të ndeshjeve të kombëtareve në kuadër të kualifikimeve për Kampionatin Botëror 2022, trajneri i Portugalisë, Fernando Santos, ka folur për sulmuesin e Juventusit, Cristiano Ronaldon, shkruan Gazeta inFokus.

Santos ka thënë se Ronaldo ka një motiv shtesë kur përfaqëson kombëtaren e Portugalisë.

“Unë jam i sigurt që Cristiano është tepër i motivuar, jo vetëm sepse ai shënoi gola. Cristiano ka një motiv shtesë kur përfaqëson Kombëtaren. Jam i sigurt se ai do të vijë me të njëjtën ambicie, duke mos menduar për qëllimet personale, por duke u përqendruar në ato të ekipit kombëtar”, ka thënë fillimisht Fernando Santos për A Bola.

-Advertisement-

Tutje trajneri i Portugalisë ka zbuluar ëndrrën më të madh që ka Crisitano Ronaldo.

“Unë e di se ai ka një ëndërr të madhe të marrë pjesë në këtë objektiv, i cili është të luajë në Kupën e Botës dhe të jetë në gjendje ta fitojë atë. Ky është objektivi kryesor”, përfundoi Santos.

Portugalia në fund të muajit mars do të përballet me Azerbajxhanin, Serbinë dhe Luksemburgun në kuadër të kualifikimeve për Kampionatin Botëror 2022./Gazeta inFokus/

Subscribe në YouTube: GAZETA INFOKUSI