Sport

Trajneri i mirënjohur kosovar: E kam pritur humbjen nga Suedia, sepse Challandes nuk ka çka t’i jap më shumë Kosovës

Autori: Gazeta inFokus 22:04 | 09 October 2021

Kosova dëshpëroi me lojën e saj të shtunën mbrëma, pasi pësoi disfatë në udhëtim te Suedia me rezultat 3-0, në takimin e vlefshëm për kualifikimet e Kampionatit Botëror ‘Katar 2022’, shkruan Gazeta inFokus.

‘Dardanët’ nuk arritën t’i bënin ballë suedezëve, duke pësuar kështu humbjen e katërt në gjashtë ndeshjet e Grupit B.

Paraqitjen e Kosovës ndaj Suedisë për Gazetën inFokus e ka analizuar trajneri i mirënjohur kosovar, Afrim Tovërlani.

Tekniku prishtinas ka thënë se e ka pritur këtë disfatë të ‘Dardanëve’, pasi nuk beson më që trajneri Challandes mund ti jap diçka më shumë Kosovës.

“E kisha parashikuar që do të jetë ndeshje e vështirë kuptohet, por edhe që do të pësonim humbje, sepse thjeshtë nuk besoj që ky trajner mund ti jap Kosovës diçka më shumë”, tha fillimisht Tovërlan.

A e ka merituar Prishtina fitimin e Superkupës së Kosovës? Ky është komenti  i Tovërlanit | inFokus

Me pas ai u shpreh se Kosova luajti siç deshën suedezët, duke shtuar se mesfusha ishte inegzistente dhe se ‘Dardanëve’ po i mungon një sulmues qendror që mund ta dirigjoj lojën.

“Luajtëm siç deshën suedezet! Ne pjesën e parë na bënë presionin në zonën tonë dhe nuk na lanë te dalim para. Ne pjesën e dytë pas avancimit të tyre, taktikisht na lanë të luajmë dhe shfrytëzuan hapësirat të cilat krijoheshin në radhët tona. Mesfusha jonë gati inekzistente, sidomos në fazën e sulmit na mungon një lojtar qendror që mund ta dirigjojë lojën dhe ketë nuk e kemi. Nuk është tragjike humbja nga Suedia, por ajo që në horizont nuk po shoh dritë me strategjitë e skelektorit’’, deklaroi Afrim Tovërlani për Gazetën inFokus.

Ndeshjen e radhës kombëtarja e Kosovës e luan të martën mbrëma ndaj Gjeorgjisë në stadiumin ‘Fadil Vokrri’ në Prishtinë./Gazeta inFokus/

 

 

 

Të tjera