Sport

Trajneri Grima: “Me Bjellorusinë për të marrë fitoren e parë”

Autori: Gazeta inFokus 11:11 | 10 Prill 2018

Pas barazimit të arritur në Poloni, skuadra përfaqësuese A e Femrave, zhvillon të martën në orën 16:00 në Elbasan ndeshjen e radhës eleminatore me ekipin e Bjellorusisë, shkruan infokusi.

Trajneri Armir Grima shpreh besim që skuadra do të vijojë në momentin e saj të një reagimi shumë pozitiv, për të kërkuar fitoren:

“Mendoj se barazimi në Poloni është fryt i një pune të skuadrës gjatë gjithë kësaj kohe. Skuadra më ka dhënë sinjale shumë të mira gjatë gjithë kësaj periudhe dhe të martën në fushë do të futemi për ta fituar ndeshjen. Kemi besim se mund t’ia dalim. E njohim këtë kundërshtar, pasi jemi ndeshur edhe në takimin e parë në fushën e tyre ku kemi bërë një paraqitje shumë të mirë. Skuadra po rritet në lojën e saj dhe kjo më pëlqen. Shoh një dëshirë të madhe te vajzat për të arritur drejt suksesit të parë në grup dhe mundësitë janë”,- theksoi Grima. Nga ana e saj, edhe kapitenia e skuadrës Albina Rrahmani përpara gazetarëve në vigjilje të kësaj ndeshjeje shtoi: “Pika e marrë në Poloni na ka rritur shumë psikologjikisht.Kemi punuar shumë dhe do të jemi në fushë për ta fituar atë ndeshje. Uroj dhe shpresoj shumë edhe me mbështetjen e publikut tonë”.

-Advertisement-

Skuadra përfaqësuese A e femrave luan takimin e radhës zyrtar këtë të martë në “Elbasan Arena” me Bjellorusinë. Ndërsa sfidën tjetër zyrtare do e zhvillojë në shtator me Skocinë, sipas programit të ndeshjeve. Në ndeshjen e së martës në Elbasan Hyrja do të jetë e lirë për të gjithë tifozët në mbështetje të skuadrës kombëtare të femrave. /infokusi.com

https://www.youtube.com/watch?v=klfGrNA8Kgo

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy