Tirani afrikan rrëzohet nga pushteti pas 40 vjetësh
Autori: Gazeta inFokus
14:41 | 18 November 2017
“Shoku Bob”, ende në pushtet në moshën 93 vjeç. Ish sekretarja dhe e dashura, që u bë gruaja e tij, dëshiron të bëhet presidente. Gjenerali mik i kinezëve aleatë të “krokodilit”, pseudonim i zëvendëspresidentit, i cili u shkarkua për “pabesi”. Grushti i shtetit që po ndodh në Harare është një sagë afrikane me personazhe, që duket se janë marrë nga romanet e Uilbur Smithit. Robert Mugabe, presidenti i rrëzuar Zimbabves, ishte babai-zot i vendit të tij, që nga marrja e pavarësisë në vitin 1980. Me pseudonimin e luftës “Shoku Bob”, ai ishte i ngarkuar në atë kohë me luftën guerilase marksiste në ish-Rodezi. Nga ëndrra socialiste e pavarësisë Mugabe e ka çuar vendin në makthin e kolapsit ekonomik, korrupsionit dhe të pushtetit absolut, të mbajtur me shtypje dhe torturë. “Shoku Bob” u transformua në një tiran të bindur se “vetëm Zoti” mund ta hiqte. Për të mbajtur pushtetin me zgjedhje farsë, nuk ka hezituar të vrasë kundërshtarët. Për të mos përmendur fushatën e shpronësimit të tokave të “kolonizatorëve” të bardhë.
Mugabe gjithashtu ka fobi të tjera, si lufta kundër homoseksualëve, që i quan “më keq se derrat”. Sanksionet e imponuara nga perëndimorët bazohen në “gënjeshtrat djallëzore”, për ish-studentin jezuit. Në moshën 93-vjeçare ndihej gjithnjë e më i lodhur dhe i sëmurë, por nuk tërhiqej. Pranë tij është edhe presidentja “në pritje” Grace, 40 vjeç më e re, ish sekretare dhe dashnore e tij, e cila u bë gruaja e dytë. Njerëzit gjithmonë e kanë urryer dhe e kanë quajtur “Dis-hiri” (turp) ose Gucci Grace, për luksin dhe shijet e kushtueshme. Që nga viti 2014, pasi u emërua si udhëheqëse e Lidhjes së Gruas e partisë në pushtet, Grace nuk është fshehur më pas suksesit të bashkëshortit të saj. Një lloj “kardinali Richelieu” me fustan, e cila ia lehtësoi plakut Mugabe heqjen qafe të kundërshtarëve të tij.
Të hënën ai u shkarkua si zëvendëspresident Emmerson Mnangagva për “besnikëri dhe ndershmëri të ulët”. Rivali e akuzoi Grace se kish dashur ta vriste në gusht me një akullore të helmuar. I mbiquajtur “krokodil” për metodat e tij nënshtruese është një tjetër personazh romanesh, në stilin afrikan. Lindur në 1942, Mnangagva luftoi fort me guerilasit ashtu si Mugabe. Sapo britanikët u dëbuan, “krokodili” mori kontrollin e përgjakshëm të sigurisë dhe të shërbimeve të fshehta. Së bashku me familjen është arratisur në Afrikën e Jugut.
Pikërisht spastrimet e nisura ndaj njerëzve të ish zëvendëspresidentit kanë shkaktuar grushtin e shtetit të gjeneralit Constantine Guyeva Chivenga, kreu i forcave të armatosura. Edhe ai ka luftuar kundër rodezianëve, pasi ishte stërvitur prej sovjetikëve në Mozambik. Mbështetës i fortë i rrëmbimit të tokave nga të bardhët, miku i kinezëve, që nga viti 2004 ka përfunduar në listën e zezë të qytetarëve të Zimbabves që nuk mund të hyjnë në BE apo SHBA. Nuk është rastësi që javën e kaluar ai ndodhej për vizitë zyrtare në Kinë.
Grushti i shtetit nuk mund të ketë sukses pa ndihmën e personazhit të fundit, si në romane: Victor Matemadanda. Sekretar i Organizatës së fuqishme të Veteranëve të Luftës, një lloj milicie që kish mbështetur gjithmonë Mugaben. Në gusht, ish luftëtari qe arrestuar se kish kritikuar zonjën e parë Grace, dhe tani është hakmarrë duke u reshtuar me ushtarakët.

T� tjera
-
Rryma në dimër, Rizvanolli: Po përpiqemi maksimalisht që kostot e furnizimit të mos rriten
Ministrja e Ekonomisë, Artane Rizvanolli ka folur për mundësinë e rritjes së ...
-
Çitaku: Keqardhja e komisioneres Kos nuk mjafton, kërkojmë sqarim, kërkimfalje dhe garanci për mospërsëritje
Ushtruesja e detyrës së kryetares së PDK-së, Vlora Çitaku, ka reaguar pas dek...
-
Ymeri-Qeverisë: E konfirmuat se kishte tregti të energjisë me Serbinë, por jeni shumë vonë ta nxirrni Kosovën nga kjo “fajde”
Deputetja e LDK-së, Janina Ymeri ka reaguar menjëherë pasi Qeveria Kurti 4 ka...
-
Bajrami për ndërprerjen e tregtimit të rrymës me Serbinë: Tash po shiten si patriotë
Deputetja e LDK-së, Hykmete Bajrami, ka reaguar pas vendimit të Qeverisë së K...
-
Kurti demanton propagandën 5 vjeçare të tij me vendim të ndalimit të importit nga Serbia
Pesë vjet deklarata se nuk importohet rrymë nga Serbia, Kurti tani vendos ta ...
-
Kurti për dekretimin e Ligjit për Byronë: Kapitull i ri për drejtësi dhe barazi
Kryeministri i Kosovës, Albin Kurti, në mbledhjen e sotme të Qeverisë ka folu...
-
Pas mbi 4 milionë eurove importe të rrymës direkt nga Serbia, Kurti vendos ta ndalojë tregtimin me kompanitë serbe
Qeveria e Kosovës ka miratuar të hënën vendimin për ndalimin e tregtimit të e...
-
Dogana mbledh mbi 1.7 miliard euro për 10 muaj, ja sa u rritën të hyrat
Dogana e Kosovës ka mbledhur mbi 1.7 miliard euro gjatë 10 muajve të parë të ...
-
Kos ua lë fajin muzikantëve për melodinë nacionaliste në “Forumin e zgjerimit”
Komisionerja për Zgjerim, Marta Kos ka shprehur keqardhjen për muzikën e këng...
-
Aksidenti në tunelin e Murrizit, kjo është mjekja që humbi jetën
Doktoresha Maltina Ferati nga Tetova, është një nga viktimat e aksidentit të ...
-
Qeveria miraton vendimin, ndërpritet tregtimi i rrymës me kompanitë nga Serbia
Qeveria e Kosovës ka miratuar propozim vendimin, për ndalimin e tregtimit të ...
-
Tahiri kërkon reagimin zyrtar të BE-së ndaj këngës nacionaliste serbe: Kosova të intensifikojë diplomacinë me SHBA-në
Tahiri kërkon reagimin zyrtar të BE-së ndaj këngës nacionaliste serbe: Kosova...



































