Sport

Tifozët e Real Madridit “përkrahin” Enver Hoxhaj në zgjedhje

Autori: Gazeta inFokus 17:04 | 06 June 2017

Postimi dhe përkrahja kandidaturës së ministrit Enver Hoxhaj për këto zgjedhje nga njëri prej Fan Page më të mëdha të tifozëve të Real Madridit në Facebook ka mjaftuar për të nxitur një debat të madh mes tifozërisë.

Për pak orë, postimi ka nxitur shumë përkrahje por njëkohësisht edhe komente se si është e mundur që një klub tifozash të futbollit ta përkrahin një kandidat të PDK-së sikurse Enver Hoxhaj në këto zgjedhje.

Madje një tjetër Fan Page shumë i madh në Facebook, Carpi Club ka shpërndarë këtë postim duke e prezantuar “Enver Hoxhaj si përforcimin e radhës të skuadrës së Real Madridit”.

-Advertisement-

Edhe pse Hoxhaj nuk e ka treguar përkrahjen e tij për cilën skuadrën, simpatia e tifozëve të Real Madridit për të duket se ka ardhur pas postimit të fundit të Hoxhaj në Facebook, natën e Finales ku ka kërkuar nga miqtë e tij që ta qëllojnë rezultatin si shpërblim të një fanelle me numrin 5, të cilin e mbanë në këtë zgjedhje.

Subscribe në YouTube: GAZETA INFOKUSI