Lajme

Thirrje e re nga Ministria e Arsimit, këtë herë mbështeten studentët e Doktoratës

Autori: Gazeta inFokus 13:43 | 30 September 2024

Ministrja e Arsimit, Arbërie Nagavci, ka bërë të ditur se kanë hapur thirrjen për mbështetjen e studimeve të doktoraturës në 500 universitetet siç thotë ajo, më të mirat në botë.

Vlera e mbështetjes për një student pritet të jetë 8,500.00 euro.

”Lajm i mirë dhe një mundësi më shumë për studentët e doktoratës

-Advertisement-

Kam kënaqësinë të ju njoftoj se kemi hapur sot thirrjen për përkrahjen e studimeve të doktoratës në 500 universitetet më të mira në botë, sipas listës “Shanghai” të vitit 2024/2025.

Vlera e mbështetjes për një student do të jetë 8,500.00 euro. Konkursi është publik dhe vlen për studentët shtetas të Republikës së Kosovës. Përparësi kanë aplikuesit/et që nuk kanë bursë të pjesshme nga ndonjë skemë/institucion brenda apo jashtë vendit dhe ata/ato që studiojnë në universitetet e ranguara më së larti në rangimin ndërkombëtar të universitetit pritës.

Thirrja do të jetë e hapur deri më 14.10.2024, në ora 16:00.

Për studentët tanë, më shumë përkrahje e më shumë mundësi!

#QeveriaKurti

#QeveriapërStudentët”

Subscribe në YouTube: GAZETA INFOKUSI