Thirren 11 dëshmitarët e parë në procesin ndaj Thaçit, Veselit, Krasniqit dhe Selimit
![](https://gazetainfokus.com/wp-content/uploads/2023/04/1-2-852x460.jpg)
Autori: Gazeta inFokus
09:12 | 06 April 2023
Seanca e radhës e gjykimit ndaj ish-krerëve të Ushtrisë Çlirimtare të Kosovës, do të mbahet më 11 prill.
Në këtë seancë ndaj Hashim Thaçit, Kadri Veselit, Jakup Krasniqit dhe Rexhep Selimit, do të dëshmojnë 11 dëshmitarë.
Kështu tha në një intervistë për Radio Televizionin e Kosovës, zëdhënësja e Dhomasve të Specializuara, Angela Griep.
Griep tha se 11 dëshmitarët janë thirrur për të dëshmuar.
“Procesi fillon në rastin ‘Thaci e të tjerët’, fillon me 11 prill dhe fjalën do ta ketë prokuroria”, tha Griep. Ajo u shpreh se sa i përket masës së paraburgimit dhe kohëzgjatjes, gjykata vepron brenda një afati të arsyeshëm, dhe sipas saj edhe pse kanë kaluar rreth dy vjet e gjysmë nga paraburgimi i Thaçit, Veselit, Krasniqit e Selimit, gjyqtari ka konkluduar se është brenda një afati të pranueshëm.
“Edhe pse varet për secilin rast specifik, por rasti ‘Thaçi e të tjerët’, është kompleks, pasi kemi krime të shumta të supozuara, shumë pika të shumta të aktakuzës dhe për këtë gjyqtarët kanë thënë se koha e mbajtjes në paraburgim është ende e arsyeshme”, tha Griep.
Ajo më tej tha se gjyqtari ka inkurajuar mbrojtjen dhe prokurorinë që t’i organizojnë argumentet e tyre në atë mënyrë që të jenë sa më efikase e ekspeditive që është e mundshme.
Sa u përket dëshmitarëve, Griep tha se mund të aplikohen masa mbrojtëse ndaj tyre, dhe për këtë vendosin gjyqtarët, por vetëm nëse është e nevojshme për sigurinë e tyre dhe familjarëve të tyre.
Bazuar në nivelin e mbrojtjes që gjyqtarët i japin secilit dëshmitar, mund të ketë të tillë që kjo masë u hiqet për mbrojtjen vetëm 30 ditë para dhënies së dëshmisë.
“Kur dalin në seancë, prokuroria e merr në pyetje e pastaj mbrojtja, secilin dëshmitar e merr në pyetje të tërthortë”, tha Griep, duke shtuar se -“ka rregull të caktuar në mbrojtjen e identitetit të tyre, por ka ende dëshmitarë të tillë që nuk mund t’i tregohen mbrojtjes”.
Ajo tha se nuk mund të japë hollësi se sa do të jetë numri i dëshmitarëve të mbrojtur.
“Por, kur ka dëshmitarë të tillë, mund t’i zbulohet identiteti i tij mbrojtjes, megjithatë, fare pak kohë para fillimit të procesit të marrjes në pyetje”.
Griep u shpreh se 11 dëshmitarët e parë janë thirrur për dhënien e dëshmisë.
“Lista e dëshmitarëve është ndarë midis palëve, por nuk e dimë ende përmbajtjen sepse janë ende konfidenciale”, tha ajo.
“Nuk e dimë se në çfarë mase është përcaktuar orari mes palëve. Por gjyqtari sot tha se ka një lloj orari dhe kërkoi prokurorisë t’i përmbahet atij orari, e pastaj mbrojtjes t’i ofrojë mundësinë për marrjen në pyetje të tyre”.
E pyetur për arsyen e transmetimit në publik të seancës me 45 minuta vonesë, zëdhënësja e Dhomave të Specializuara tha se kjo ka të bëjë me çështje konfidenciale të brendshme sepse ndoshta ndonjë palë gabimisht zbulon një informatë konfidenciale gjatë procedurës.
“Gjyqtarët i kujtojnë galerisë që këto informata nuk mund të zbulohen dhe ato hiqen nga transmetimi para se të dalin në publik”, tha ajo.
Griep tha se skenari mund të jetë që gabimisht mund të shpaloset diçka gjatë procedurës, dhe ajo është që këto informata nuk mund t’i shpalosen askujt dhe çdo lloj burimi që mund ta ketë atë informatë, duhet të mbyllet për publikun.
“Nëse dikush qëllimisht zbulon ose përpiqet të shpërndajë informata konfidenciale me qëllim për të penguar procesin ose frikësuar dëshmitarët, kjo është vepër penale”.
Ajo rikujtoi se për arsye të tillë, tashmë janë dënuar Hysni Gucati e Nasim Haradinaj.
Sa për media, ajo tha se nuk ka rregulla të tjera vetëm se ligji duhet zbatuar.
“Por, kam kënaqësinë të them se mediat në Kosovë kanë qenë shumë të kujdesshme dhe shumë të përmbajtura dhe nuk kam parë ndonjë përpjekje për thyerje të qëllimshme të këtij rregulli”.
![](https://gazetainfokus.com/wp-content/uploads/2024/02/prince-plodine1.jpg)
Të tjera
-
Të shtëna me armë zjarri në Siqevë të Prishtinës, qëllohet një veturë nga dy anët e rrugës
Të shtëna me armë zjarri janë dëgjuar sonte në fshatin Siqevë të Prishtinës. ...
-
Tri ligjet për të cilat reaguan Ambasadori gjerman dhe Zyra e BE’së nesër në Kuvend
Zyra e Bashkimit Evropian në Kosovë ka thënë se është për keqardhje që nuk ja...
-
Ndalohet edhe një person për spiunazh, është nga rajoni i Mitrovicës – për momentin po i bastiset banesa
Prokuroria Speciale e Republikës së Kosovës, njofton se pas zhvillimit të het...
-
Kuvendi i Kosovës nesër mban seancë plenare
Kuvendi i Kosovës nesër do të mbajë seancë plenare, me fillim nga ora 10:00. ...
-
Kurti s’e takoi Vuçiqin sepse u frikësua – për çfarë e ka fjalën Blerim Latifi?
Analisti Blerim Latifi e komentoi deklaratën e kryeministrit Kurti dhënë nga ...
-
Klinaku: Kurti mashtrues, bëhet kinse i vë kusht për dorëzimin e Radojiçiqit në anën tjetër koordinohet me të
Faton Klinaku nga OVL-UÇK e ka quajtur kryeministrin Albin Kurtin mashtrues, ...
-
Shkëlzen Gashi: Më pëlqyen shumë kushtet e Kurtit që ia qiti Vuçiqit
Analisti Shkëlzen Gashi ka folur për kushtet e kryeministrit Albin Kurti që i...
-
Kushtet e Kurtit në Bruksel, Borell tregon çfarë tha Vuçiq kur i dëgjoi ato
Përfaqësuesi i Lartë i BE’së për Politikë të Jashtme Josep Borell ka duke fol...
-
Kryenegociatorët e Kosovës dhe Serbisë takohen javën e ardhme në Bruksel
Kryenegociatorët e Kosovës dhe Serbisë do të zhvillojnë takim gjatë javës së ...
-
Reagojnë nga komuna e Obiliqit pasi drejtori i QKMF-së kërcënoi gazetaren e Infokusit: “Nuk është hera e parë që shfaqet i dhunshëm.. Do të marrim masa”
Të martën gazetarja e Infokusit, Hateme Smajli u fye e u kërcënua nga drejtor...
-
Pamje të rënda: Vërshime në Opojë pas reshjeve të mëdha të shiut
Disa pjesë të Opojës janë duke pasur probleme me vërshime. Qytetarë të kës...
-
Borrell: Kurti paraqiti kushte, Vuçiq nuk i pranoi, takimi trepalësh dështoi
Ndonëse ishte planifikuar mbajtje e një takimi të përbashkët mes kryeministri...