Lajme

Thellohet bashkëpunimi i Zvicrës me Prishtinën

Autori: Gazeta inFokus 13:17 | 26 January 2018

Kryetari i Prishtinës, Shpend Ahmeti priti në takim Ambasadorin zviceran Jean Hubert Lebet.

Në këtë takim u diskutua për zhvillimet politike në Kosovë, me theks të veçantë në sfidat nëpër të cilat po kalon shteti jonë për luftimin e korrupsionit dhe zhvillimin ekonomik.

Ahmeti e njoftoi ambasadorin lidhur me projektet që janë realizuar tashmë në bashkëpunim me DEMOS-in zviceran; si dhe për projektet tjera që ka në plan për këtë vit, e që do të mund të gjenin mbështetje po ashtu nga partnerë zviceranë.

-Advertisement-

“Komuna e Prishtinës dhe Ambasada e Zvicrës në Kosovë bashkëpunojnë në vazhdimësi, e ky bashkëpunim do të thellohet edhe më shumë ashtu që t’i shfrytëzojmë modelet e mira për përmirësimin e mëtutjeshëm të jetës së qytetarëve”, thuhet në komunikatën për media të Komunës së Prishtinës.

Subscribe në YouTube: GAZETA INFOKUSI