Sport

“The Best” i FIFA-s, Mesi refuzon të marrë pjesë në ceremoni

Autori: Gazeta inFokus 10:33 | 24 September 2018

Lojtari më i mirë në botë nuk do të jetë në mbrëmjen gala të “The Best”. Leo Mesi ka vendosur të mos udhëtojë për në Londër këtë të hënë, për shkak të një problemi familjar. Argjentinasi kishte planifikuar të merrte pjesë në ceremoni, edhe pse nuk ishte emëruar mes tre lojtarëve që rivalizojnë për çmimin e më të mirit, por në fund i kanë ndryshuar planet.

Ata që do ta përfaqësojnë klubin katalanas në Londër do të jenë Javier Bordas dhe Guillermo Amor. Mesi nuk do të marrë pjesë në ceremoni, pavarësisht se ka shumë opsione për të qenë në formacionin më të mirë të vitit.

Mungesa e Messit bashkohet me atë të Cristiano Ronaldos. Sulmuesi portugez nuk do të jetë në mbrëmjen gala të FIFA-s, pavarësisht se është në luftë për çmimin e më të mirit, bashkë me Salah dhe Luka Modric. Në fakt, nuk është mbrëmja e parë gala që CR7 humbet këtë vit, sepse në verë ai vendosi të mos marrë pjesë në ceremoninë, që UEFA mbajti në Monako.

-Advertisement-

Në këtë mënyrë, mbrëmja gala e “The Best” humbet dy yjet e futbollit botëror në dekadën e fundit, “gjahun” më të mirë të mediave. Messi do të pushojë në Barcelonë, ndërsa Cristiano Ronaldo në Torino.

Subscribe në YouTube: GAZETA INFOKUSI