Lajme

Thaçi sonte në Skenderaj, në iftar me veteranët e UÇK-së (FOTO)

Autori: Gazeta inFokus 22:10 | 08 June 2017

Presidenti i Kosovës Hashim Thaçi sonte ka pritur iftarin së bashku me qindra veteranë të Ushtrisë Çlirimtare të Kosovës që vijnë nga komuna e Skenderajt.

Veteranët dhe presidenti Thaçi këtë iftar e organizuan në njërin nga lokalet në Skenderaj.

Presidenti Thaçi para iftarit ka mbajtur një fjalim, ku ka çmuar lartë kontributin e ushtarëve të Ushtrisë Çlirimtare të Kosovës, raporton DrenicaPress

-Advertisement-

Ai tha se këtë 18 vjetor të lirisë së Kosovës janë shënuar të arritura të mëdha dhe jam shumë i lumtur që sonte gjendem në mesin tuaj me veteranët e lirisë.

Ndryshe, presidenti Thaçi ditë më parë është akuzuar për fushatë partiake pas takimit me mësimdhënës të komunave të ndryshme të cilëve ju ka bërë thirrje për dalje masive në këto zgjedhje.

E nga Zyra e Presidentit nuk kanë kthyer përgjigje se pse po ndodhin këto takime dhe pse nuk ka ftesë për media për të përcjellë këto aktivitete. Takime të tilla me mësimdhënës, për presidentin Thaçi, janë bërë tradicionale, pasi edhe gjatë fushatës për kryetar komune të Drenasit, vitin e kaluar, ai bashkë me ministrin në largim, Arsim Bajrami, kishte takuar 700 mësimdhënës.