Lajme

Thaçi: Serbët e veriut po terrorizohen nga vet serbët, jo nga qeveria e as shqiptarët

Autori: Gazeta inFokus 22:48 | 08 November 2022

Analisti Jusuf Thaçi ka vlerësuar se janë vetë serbët ata që po kërcënojnë serbët e veriut.

Ai, në emisionin “Pressing”, ka thënë se terrori mbi serbët e veriut vjen “nga paramilitarët e kriminelët serbë”, që veprojnë në kuadër të strukturave paralele.

“Kush po i terrorizon serbët në veri të Kosovës? Kush po i lë pa shërbime dhe pa institucione? Janë serbët, nuk janë as Qeveria e Kosovës e as shqiptarët e Kosovës”, ka thënë Thaçi në emisionin Pressing të T7.

-Advertisement-

Thaçi ka thënë se kjo situatë duhet shfrytëzuar që t’i demonstrohet Beogradit dhe serbëve të Kosovës që shteti nuk mund të bllokohet nga një minoritet prej 3 ose 4 për qind nga numri i përgjithshëm i popullsisë në Kosovë.

“Duhet me shfrytëzu këtë situatë, për t’i dëshmuar Beogradit dhe serbëve në Kosovë që shteti i Kosovës nuk bën dhe nuk duhet lejuar të bllokohet për shkak të një minoriteti 3 4 për qind, të cilët veprojnë me direktiva nga Beogradi”, ka deklaruar ai. /GazetaExpress

Subscribe në YouTube: GAZETA INFOKUSI