Lajme

Thaçi me mesazh për krizën politike: Pozita dhe opozita të ulen bashkë, të diskutojnë dhe të pajtohen

Autori: Gazeta inFokus 20:50 | 20 August 2026

Ish-presidenti i Kosovës, Hashim Thaçi, në intervistën e tij të fundit para vendimit që pritet të merret më 16 shtator në Hagë, ka folur edhe për situatën aktuale politike në Kosovë dhe nevojën për tejkalimin e krizave institucionale.

Thaçi ka bërë thirrje që pozita dhe opozita të ulen në një tryezë dhe të arrijnë pajtim për disa prej çështjeve kryesore për vendin.

“Mendoj se politika kosovare, pozitë dhe opozitë, duhet të ulet në një tryezë, të diskutojë dhe të pajtohet rreth disa zotimeve të përbashkëta”, ka thënë Thaçi.

-Advertisement-

Në mesin e çështjeve për të cilat, sipas tij, duhet të ketë konsensus politik, Thaçi ka përmendur sigurinë nacionale, reformat demokratike dhe reformën zgjedhore, përfshirë edhe mundësinë që presidenti të zgjidhet drejtpërdrejt nga qytetarët.

Ai e ka përmendur këtë si një mundësi për evitimin e krizave institucionale, ndërsa ka kërkuar bashkëpunim edhe për politikën e jashtme, marrëveshjet ndërkombëtare, investimet në mbrojtje dhe integrimin në NATO dhe Bashkimin Evropian.

Thaçi ka përmendur po ashtu nevojën për raporte të veçanta me Shtetet e Bashkuara të Amerikës dhe Shqipërinë, si dhe dialogun me Serbinë.

Intervista vjen në prag të 16 shtatorit, kur pritet vendimi në procesin ndaj Thaçit në Hagë./GazetaInfokus

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy