Lajme

Thaçi: Jam i pafajshëm, Kosovës iu hoq reja e zezë

Autori: Gazeta inFokus 12:49 | 04 April 2023

Ish-presidenti i Kosovës, Hashim Thaçi, që po akuzohet për krime lufte nga Specialja, ka mohuar pretendimet e Prokurorisë. Ai ka thënë se është tërësisht i pafajshëm e se i vjen keq për të gjitha viktimat. Thaçi ka thënë se është i kënaqur që procesi ka dëshmuar se s’ka pasur trafikim organesh nga UÇK-ja.

Në fjalimin para Speciales, Thaçi ka thënë se pret që gjykimi ndaj tij dhe ish-krerëve të tjerë të Ushtrisë Çlirimtare të Kosovës të jetë i drejtë dhe të përfundojë shpejt.

“Jam i kënaqur që procesi e ka dëshmuar edhe njëherë se nuk ka pasur trafikim organesh e shtëpi të verdhë. Kosovës i është hequr reja e zezë të cilën ia kishte vënë Raporti i Martyt”, ka thënë Thaçi, raportoi Driton Mehmeti direkt nga Haga.

-Advertisement-

Seanca është duke u mbajtur, por transmetimi i saj po bëhet me disa minuta vonesë.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme