Testimi i qarkores, Rama: I nevojshëm për t’i kuptuar problemet në komunikacion
Autori: Gazeta inFokus 14:34 | 28 October 2022
Testimi i unazës qendrore në kryeqytet ka shkaktuar një tollovi të madhe dhe radhë të gjata të automjeteve.
Qytetarët ishin të revoltuar nga pritjet dhe kolonat e gjata, por këto kolonat i provoi edhe vet kryetari i Prishtinës, Përparim Rama.
Ai deklaroi se testimi i së premtes për dallim nga herët e kaluara që është bërë gjatë fundjavës ka ndodhur për t’i kuptuar problemet në komunikacionin e Prishtinës.
“Kemi bërë dhe teste të mëparshme gjatë vikendit për ta testuar qendrën. Propozimet të cilat kanë ardhur si pjesë e testimeve për mobiliet, si pjesë e planit për testimin e mobilitetit ku e kemi bërë testimin të shtunën, të dielën, faktikisht kemi bërë për dy javë, ku para se të merret vendimi duhet që të testohet edhe gjatë javës.
Kjo na tregon pikat e ndryshme ku janë që krijojnë probleme, pika që duhet të ndryshohen, me u transformua për të krijuar një komunikim më të lirshëm për kryeqytetin. Për këtë arsye normal që është dashur të testohet edhe gjatë javës. Gjatë ditës së sotme, e premtja që shumë herë është më e ngarkuara për ta shikuar ku kemi pasur probleme më të shumta. Sot kemi informata të shumta prej të gjitha pikave të kryeqytetit, jemi duke ‘incizuar’ edhe me dron, kemi edhe ekipe në terren duke marrë informata se si po ecë trafiku dhe ku janë problemet”, tha ai.
Sipas Ramës, testimet nëpër rrugë duhet të bëhen për të kuptuar saktë problemet që janë në komunikacion. Ai përmendi edhe projektet për rrugën A, ku në fund do të bëjnë një raport përfundimtar për këtë testim.
“Ne duhet të bëjmë testimet përveç atyre që i kemi bërë në aspektin e kompjuterëve duhet të bëhen edhe në terren sepse kemi një numër të madh me ditë dhe nga ku po vjen trafiku. Sot kemi informata të sakta se ku janë problemet, prej nga po krijohen problemet në mënyrë që të kemi këtë informatë për përmirësimin e gjendjes në trafik. Kemi paralelisht dhe projekte që i kemi dhe janë më se të nevojshme të rrugës A, rruga B e ndërlidhur me rrugën A, po ashtu edhe unazës së mesme që janë pjesë të procesit për transformim të kryeqytetit…Ekipet janë në terren normal që do të vijmë me një raport final në fund të eksperimentimit”, u shpreh ai.
Kryetari i Prishtinës, Përparim Rama tha se është normale që në fillim të këtij testimit të ketë kolona, por sipas tij, qytetarët duhet të presin dhe më pas do t’i shohin ndryshimet pozitive që do të bëhen me këtë testim të rrugës njëkahore.
“Secili ndryshim ka impakt të madh, fillimisht negativ derisa të krijohet pozitivi dhe për këtë arsye ndodhin këto gjëra. Normal që një numër i madh i qytetarëve sot ka pasur probleme në trafik, mirëpo është e pashmangshme nëse ne duam të informohemi rreth lëvizjes të mirë dhe të lirë në kryeqytet, është e pamundshme që t’i bëjmë këto pa i bërë analizat e tilla në terren.
Për këtë arsye kemi bërë dy të parat dhe kjo është një ditë e javës që ka qenë e nevojshme. Është ditë e premte, faktikisht ditë shumë e ngjeshur dhe kemi pasur probleme, faktikisht kemi pasur probleme të mëdha në mëngjes… Tani po kuptojmë se ku edhe kur po krijohet këto pika që krijojnë ndalesa në trafik. Gjithmonë kjo një analizë që na hynë në punë në intervenimet e të ardhmes në ndërlidhjet e rrugëve që janë në planifikim të rrugëve të reja si vazhdimësi e rrugës A, të rrugës B dhe të rrugëve unazës së mesme dhe rrugëve të tjera që kemi prej periferive, pra ajo që vjen prej Fushë Kosovës, tjetra që vjen prej Podujevës, zonës së Gollakut nga Llukari. Të gjitha këto janë informata që na duhet për planifikim e mirëfilltë të kryeqytetit”, tha ai.
Po ashtu, Rama tregoi se e kishte përjetuar edhe vet trafikun dhe sipas tij nuk e kishte problem sepse ditën e nis në ora shtatë. Gjithashtu, ai tha se problem të madh kanë pasur ata që kanë punën në ora tetë sepse atëherë ka qenë kolona më e madhe.
“Zakonisht filloj në ora shtatë, kështu që për mua nuk ishte problem por po e shoh që nga ora tetë kur i kemi të gjitha qytetarët që shkojnë në punë apo i dërgojnë fëmijët nëpër shkolla, është ajo kohë që ka shkaktuar tollovinë më të madhe. Kur erdha këtu vetëm desha ta provoj në orën 10 ishte liruar, mirëpo janë dy pika kyçe atje te lidhja me Santen, e cila është problematike për arsye që ndërlidhet trafiku njëkahor dhe dykahor edhe janë pikat tjera që tashmë jemi në analizë e sipër për të parë se ku po shkaktohet problemi me trafiku”, tha ai. /kp/
Të tjera
-
“Nuk kam shpresë nga takimi Kurti – Vuçiq” – Ish-diplomati kosovar flet për takimin e Brukselit
Takimi i sotëm mes kryeministrit të Kosovës, Albin Kurti dhe Presidentit të S...
-
Ministrja Haxhiu sụlmon Kushtetuesen: I kanë borxhe e po i shërbejnë nomenklaturës së vjetër- byroja do të bëhet
Ministrja e Drejtësisë, Albulena Haxhiu, ka reaguar pas rrëzimit të Ligjit pë...
-
Borrell kërkon përparim në zbatimin e marrëveshjes për normalizim
Përfaqësuesi i lartë për politikë të jashtme dhe siguri i Bashkimit Evrop...
-
Enver Hoxhaj: Dialogu Kosovë – Serbi ka kollapsuar moti, Kurti ka dështuar në politikën e jashtme
Ish-ministri i Punëve të Jashtme të Kosovës, Enver Hoxhaj, ka deklaruar se di...
-
Kushtetuesja e shpall të pavlefshëm ligjin për Byronë për Verifikim dhe konfiskim të pasurisë së pajustifikueshme
Gjykata Kushtetuese e ka shpallë të pavlefshëm në tërësi Ligjin për Byronë Sh...
-
Vuçiq para takimeve në Bruksel: Kurti do të bërtas dhe bëjë drama derisa t’i them ndalu
Presidenti i Serbisë, Aleksander Vuçiq, ka vazhduar me avazin e tij të vjetër...
-
Greqi: Vdẹs një shqiptar, plagosẹt edhe një nga Kosova
Një ngjarje e rëndë ka ndodhur sot në Greqi. Një shqiptar ka vdekur, deris...
-
Vjen reagimi i zyrtarit të lartë publik të cilit iu dὁgj vetura në mesnatë
Ekrem Hysenaj, zyrtari i lartë dhe ish-ushtrues i detyrës së Drejtorit të Për...
-
Arrihet marrëveshje për shkollimin e kadetëve të FSK-së në Akademinë Ushtarake “Franjo Tugjman” në Kroaci
Ministri i Mbrojtjes, Ejup Maqedonci, ka thënë se miqësia mes Kosovës dhe Kro...
-
Maqedonci në Zagreb për bashkëpunim ushtarak me Kroacinë, zv.kryeministri kroat: Mbështetje qind për qind për Kosovën
Zëvendëskryeministri dhe ministri kroat i Mbrojtjes, Ivan Anushiq e ka pritur...
-
Klinaku paralajmëron protesta pasi Kushtetuesja i hodhi poshtë pretendimet e opozitës për veteranët
Faton Klinaku, ushtruesi i detyrës së kryetari të Organizatës së Veteranëve t...
-
Gazetari amerikan Evan Gershkovich rrezikon 20 vjet burg, Rusia: Është spiun
Gjyqi ndaj gazetarit amerikan të burgosur në Rusi, Evan Gershkovich, ka nisur...