Lajme

Tentoi t’i jepte 10 euro ryshfet policit, arrestohet 31 vjeçari nga Gjakova

Autori: Gazeta inFokus 10:38 | 11 November 2024

Zyrtarët e Njësisë Rajonale të Komunikacionit Rrugor në Gjakovë kanë ndaluar një automjet për shkelje të rregullave të trafikut, konkretisht për tejkalim të shpejtësisë, gjatë një kontrolli rutinë në fshatin Korenicë.

Automjeti drejtohej nga një shtetas shqiptar, i lindur në vitin 1993.

“Gjatë procesit të legjitimimit, drejtuesi i mjetit tentoi të ndikonte në veprimet e policisë për të shmangur gjobën, duke ofruar një shumë prej 10 eurosh. Policia ka vepruar menjëherë dhe ka shoqëruar të dyshuarin në stacionin policor, ndërsa kartëmonedha prej 10 eurosh është sekuestruar si provë materiale”, thuhet në njoftim.

-Advertisement-

Pas konsultimit me prokurorin e shtetit, ndaj të dyshuarit është hapur një rast për “dhënien e ryshfetit,” dhe ai është ndaluar për 48 orë.

Drejtoria Rajonale e Policisë në Gjakovë ka theksuar se mbetet e përkushtuar në ruajtjen e standardeve të larta të integritetit dhe transparencës në punën e saj.

Subscribe në YouTube: GAZETA INFOKUSI
Etiketa:
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme