Lajme

Telefonata me Kurtin, Chollet i kërkon që të lëvizet për çështjen e Asociacionit

Autori: Gazeta inFokus 22:53 | 24 January 2023

Këshilltari i Departamentit amerikan të Shtetit, Derek Chollet ka zhvilluar një bisedë telefonike me kryeministrin e Kosovës, Albin Kurti.

Chollet përmes një cicërime në Twitter ka njoftuar se kanë diskutuar për Asociacionin e komunave me shumicë serbe në kontekstin e dialogut, për t’i çuar përpara diskutimet.

Tutje, ai tha se po ashtu kanë diskutuar edhe për nevojën që zyrtarët serbë që lëshuan vendet e tyre të punës në veri te vendit të kthehen në postet e tyre.

-Advertisement-

“Ne diskutuam gjithashtu rëndësinë e karakterit multietnik të Kosovës dhe ecjen përpara me diskutimet e Asociacionit të Komunave me Shumicë Serbe në kontekstin e Dialogut dhe nevojën që zyrtarët serbë të Kosovës të kthehen në postet e tyre”, shkroi Chollet.

We also discussed the importance of Kosovo’s multiethnic character and moving forward with discussions of the Association of Serb Majority Municipalities in the context of the Dialogue, and the need for Kosovan Serb officials to return to their posts. https://t.co/6MlQgtDBaJ

— Derek Chollet (@CounselorDOS) January 24, 2023

Chollet njoftoi edhe për një diskutim që kanë pasur lidhur me propozimin e Bashkimit Evropian për normalizimin e marrëdhënieve me Serbinë, i njohur si propozimi franko-gjerman.

Kujtojmë se Ambasada Amerikane në Kosovë ka konfirmuar për Gazetën Express për organizimin e një diskutimi lidhur me Asociacionin e komunave me shumicë serbe.

Ambasada amerikane ka thënë se qëllim i diskutimit është që të rritet avancimi në kuptimin reciprok për çështjen e Asociacionit.

Krejt kjo, sipas ambasadës amerikane, për ta mbështetur dialogun e lehtësuar nga Bashkimi Evropian ndërmjet Kosovës dhe Serbisë.

Subscribe në YouTube: GAZETA INFOKUSI