Sport

Teksa krenohet me skuadrën e tij, Guardiola ‘thumbon’ ekipin e Liverpoolit

Autori: Gazeta inFokus 13:28 | 07 March 2021

Trajneri i Mancheter Cityt, Pep Guardiola, së fundmi ka dhënë një deklaratë për media, ku ka lavdëruar ekipin e tij, shkruan Gazeta inFokus.

Guardiola ka thënë se sa herë që kanë fituar titullin, sezonin tjetër kanë qëndruar në krye ose pozicioni me i ulët ka qenë vendi i dytë.

“Sa herë që fitonim titullin, sezonin tjetër ekipi qëndroi në krye. Kjo është gjëja më e këndshme që klubi ka bërë në dekadën e fundit. Pozicioni më i ulët pas titullit, ishte vendi i dytë” – tha fillimisht trajneri spanjoll.

-Advertisement-

Tutje ish-trajneri i Barcelonës e Bayern Munchenit ka thumbuar skuadrën e Liverpoolit që sezonin e kaluar u shpall kampion, kurse këtë edicion po bënë garë për top 4.

“Shikoni kampionët e tjerë dhe ata po luftojnë për të qenë në top katërshe. Kjo do të thotë se ne kembi stabilitetin e duhur për të qenë në krye gjatë gjithë kohës. Nuk ka rëndësi konkurrenca, duhet të jesh atje[në krye] dhe të fitosh, kështu bëhet një klub që respektohet. Një titull mund të fitohet, por të jesh në krye për një kohë të gjatë – kjo është se çfarë më bën krenar për klubin. Edhe të kualifikohesh në Ligën e Kampionëve për sezonin tjetër do të thotë se do të konsiderohesh një klub i lartë”, ka deklaruar Guardiola.

Manchester City është në rrugë të mirë për tu shpallë kampion për sezonin 2020/2021, pasi gjendet i pari me 65 pikë, 12 më shumë se ndjekësi i dytë Manchester Unitedi./Gazeta inFokus/

 

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

sport