Lajme

Të shtëna me armë zjarri te TopChannel, vritet roja

Autori: Gazeta inFokus 06:55 | 27 March 2023

Policia shqiptare ka bërë të ditur se një person është vrarë me armë zjarri në Tiranë.

Viktima është një rojë sigurie e objektit të TopChannel.

“Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel. Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve)”, ka thënë Policia, raporton Klankosova.tv.

-Advertisement-

Po ashtu thuhet se është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Shërbimet e Policisë thuhet se kanë ngritur pikat e kontrolleve dhe vijon puna për identifikimin e kapjen e autorëve.

Subscribe në YouTube: GAZETA INFOKUSI