Lajme

Të shtëna me armë zjarri në Shkodër, 3 të vdekur dhe 1 i plagosur rëndë

Autori: Gazeta inFokus 17:10 | 30 October 2024

Një ngjarje e rëndë ka ndodhur pasditen e kësaj të mërkure në Shkodër, ku raportohet për një masakër me 3 viktima dhe 1 të plagosur.

Të shtënat me armë zjarri janë shënuar në zonën e njohur si “5 Heronjtë e Vigut”, në lagjen e Dobraçit, ndërkohë që autoritetet janë mobilizuar menjëherë për të hetuar rrethanat e incidentit.

Sipas informacioneve paraprake, kemi të bëjmë me një atentat, ku automjeti me të cilin lëviznin 4 personat u qëllua me breshëri plumbash nga një tjetër automjet në lëvizje.

-Advertisement-

Raportohet se edhe personi i vetëm i mbijetuar është në gjendje të rëndë shëndetësore. Ai është transportuar me urgjencë në spital për të marrë ndihmën e nevojshme mjekësore.

Dyshohet se objektiv i atentatit janë anëtarë të familjes Lici dhe lidhje të tyre shoqërore.

Policia ka ngritur disa postblloqe në qytetin e Shkodrës dhe po vijon punën për kapjen e autorëve dhe sqarimin e rrethanave të ngjarjes.

Subscribe në YouTube: GAZETA INFOKUSI
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme