Kulturë

Të hënën mbahet mbledhje komemorative për nder të jetës dhe veprës së aktorit, Xhevat Qorraj

Autori: Gazeta inFokus 15:41 | 26 August 2023

Teatri Kombëtar i Kosovës ka njoftuar me anë të një postimi se do të mbahet mbledhje komemorative për aktorin tashmë të ndjerë, Xhevat Qorrajn.

Ngjarja do të mbahet të hënën (28 gusht) për të nderuar jetën dhe veprën e aktorit deçanas.

“Teatri Kombëtar i Kosovës organizon mbledhje komemorative në kujtim të jetës dhe veprës të aktorit Xhevat Qorraj. Në këtë rast, ftojmë miqtë, kolegët, familjarët dhe dashamirët e Xhevat Qorrajt të mblidhen të hënen, me 28 gusht 2023, nga ora 12:00 në Amfiteatrin e Teatrit Kombëtar të Kosovës (në Pallatin e Rinisë në Prishtinë)”, thuhet në postim.

Shkrimi tutje vijon: “Teatri Kombëtar i Kosovës do ta kujtojë Xhevat Qorrajn për talentin e tij të rrallë, rolet e tij të shumta, kolegialitetin e tij të pashoq dhe kontributin e tij të pafund në kulturën dhe artin tonë kombëtar”.

Qorraj u nda nga jeta të mërkurën (23 gusht) në moshën 76 vjeçare.

Xhevat Qorraj

Ai ka luajtur në disa filma e seriale si: “Rrushe”, “Proka”, “Rojet e mjegullës”, “Si të vdiset”, “Tri dritare dhe një varje”, “Eternally Child”, etj.

Xhevati, i lindur në fshatin Carrabreg të Deçanit, i takon gjeneratës së parë të aktorëve në Kosovë.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Ku janë ofertat më të mira për Bajram?

Të tjera

Fokusi

kulture