15:32 – Trupi i pajetë i vrasësit të shtatzënës dërgohet në IML

Pak çaste më parë, trupi i pajetë i Sokol Halilit, është dërguar në Institutin e Mjekësisë Ligjore.

Kështu ka raportuar ekipi i Klan Kosovës nga vendi i ngjarjes.

Halili u vetëvra sot pasi policia lokalizojë vendndodhjen e tij në Shtime.

15:18 – Policia jep detaje rreth rastit të vetëvrasjes së Sokol Halilit

Policia ka dhënë detaje lidhur me gjetjen e Sokol Halilit, të dyshuarit për vrasjen e ish-gruas së tij para Gjinekologjisë në Prishtinë.

Përmes komunikatës për media, bëhet e ditur se Policia e Kosovës me njësitet relevante, ka ndërmarrë të gjitha veprimet e nevojshme policore përfshirë masat e sigurisë në këtë lokacion, si dhe ka aplikuar masat e negocimit me personin e dyshuar për t’i mundësuar të njëjtit dorëzimin, transmeton Klankosova.tv.

Përkundër të gjitha masave të ndërmarra dhe tentativës për negocim, nga njësitet dhe kompetentët policorë i njëjti nuk është dorëzuar dhe me armës zjarri ka kryer aktin e vetëvrasjes.

Halili u gjet në shtëpinë e tij në fshatin Davidoc të komunës së Shtimës.

“Lidhur me rastin e vrasjes së rëndë të ndodhur më datë 30 nëntor 2022, në oborrin e QKUK-së në Prishtinë, Policia e Kosovës me njësitet e saj hetimore dhe operative, në koordinim me Prokurorinë e shtetit, ka punuar intensivisht për lokalizimin dhe kapjen e personit të dyshuar. Bazuar në hetimet intensive dhe veprimet operative-hetimore, sot më 02 dhjetor 2022, rreth ores 13:45 njësitet policore kanë arritur të lokalizojë vendndodhjen e të dyshuarit mashkull kosovar, Sokol Halili, viti i lindjes 1991, i cili gjendej në fshatin Davidovc të komunës së Shtimes. Lidhur me rastin janë duke vazhduar veprimet e mëtejme nga njësitet relevante policore, përfshirë ekzaminimin e vendit të ngjarjes, përderisa për procedura të mëtejme janë informuar Prokuroria dhe Inspektorati Policor i Kosovës”, thuhet tutje në komunikatë.

14:36 – Trupi i Sokol Halilit dërgohet në emergjencë

Trupi i Sokol Halilit, burrit që vrau ish-gruan e tij shtatzënë para Gjinekologjisë, është dërguar në Emergjencë.

Kështu merr vesh Klan Kosova.

Halili u gjet nga Njësia Speciale në shtëpinë e tij, dhe pasi ka refuzuar të dorëzohet ka vrarë veten, njofton Klankosova.tv.

Lajmin për vetëvrasjen e tij e ka konfirmuar ministri i Brendshëm, Xhelal Sveçla.

“Pas një pune intenzive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policor që të negociojnë dorëzimin, dorasi vret veten. Policia e Kosovës si dhe Inspektoriati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatëzënë dhe vetëvrasjes së dorasit”, ka shkruar Sveçla në Facebook.

14:11 – Sokol Halili u vetëvra në shtëpinë e tij

Sokol Halili, është vetëvrarë pasi njësia speciale “zbarkojë” për ta kapur atë.

Rasti ka ndodhur në shtëpinë e tij.

Në vendin e ngjarjes ka dal edhe kryeprokurori.

Është vetëvrarë Sokol Halili, burri i cili e ka vrarë ish-gruan e tij, 35 vjeçaren Hamide Magashi, para Klinikës së Gjinekologjisë.

Lajmin e ka konfirmuar ministri i Punëve të Brendshme, Xhelal Sveçla.

“Pas një pune intenzive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policor që të negociojnë dorëzimin, dorasi vret veten”, tha Sveçla.

Pamje nga momenti kur policia i bëri thirrje për dorëzim, të dyshuarit për vrasjen e gruas shtatzënë

Sveçla theksoi se do të vazhdojnë hetimet lidhur me rastin.

“Policia e Kosovës si dhe Inspektoriati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatëzënë dhe vetëvrasjes së dorasit”, theksoi ai.
Hamide Magashit, sot iu dha lamtumira e fundit.

Sokol Halili dyshohet se vrau veten në shtëpinë e familjes së tij

E PREMTJA E BARDHË NË ETC ME ZBRITJE DERI 50%

Sponsoruar