Sport

Tare e gjen te PSG-ja zëvendësuesin e Strakoshës

Autori: Gazeta inFokus 11:25 | 29 April 2022

Thomas Strakosha po jeton muajt e fundit te Lazio, në Serinë A. “Gardiani” shqiptar dhe drejtuesit e klubit bardhekaltër nuk kanë arritur marrëveshjen për zgjatjen e bashkëpunimit, kështu që lamtumira e portierit të Kombëtares Shqiptare nga skuadra laziale duke e sigurt.

Për ta vërtetuar këtë, mediet italiane raportojnë se Igli Tare, drejtori sportiv i Lazios prej kohësh është vënë në kërkim të zëvendësuesit të Strakoshës, madje e ka gjetur atë. Bëhet fjalë për portierin e PSG-së, Sergio Rico, që pas mbërritjes së Donnarummas në Paris k përfunduar portier i tretë. Një nga përfaqësuesit e spanjollit ka udhëtur drejt Romës ditët e fundit për t’u takuar me Taren, që e ka bërë të qartë se dëshiron blerjen e “gardianit”, por me çmim poshtë 10 milionë euro. Tashmë pritet përgjigjja përfundimtare e klubit francez.