Lifestyle

Tani për tani, ky është njeriu më i pasur në planet

Autori: Gazeta inFokus 10:40 | 02 June 2023

Lista e personave më të pasur në planet ka ndryshuar dhe tani kemi një emër të ri si personi me pasurinë më të madhe.

Është fjala për Elon Musk, i cili ka arritur të ngjitet sërish në krye të listës së njerëzve më të pasur në botë.

Sipas indeksit të miliarderëve të Bloomberg, CEO i Tesla-s, ka një pasuri rreth 197 miliardë dollarë, duke kaluar atë të CEO-s së LMVH, Bernard Arnault, që është 187 miliardë dollarë, raporton ‘Marca‘.

Dy “qindramiliarderët”, një frazë e përdorur për të etiketuar personat me pasuri mbi 100 miliardë dollarë, kanë qenë në garë për vendin e parë prej disa muajsh.

Pasuria e Arnault pësoi një rënie këtë javë për shkak të uljes së vlerës së aksioneve të kompanisë së tij të mërkurën. Arnault kaloi në renditje Musk gjatë muajit dhjetor 2022 dhe pasuria e tij u shtua ndjeshëm për shkak të rritjes së vlerës së aksioneve, shtyrë nga rritja e shitjeve.

LVMH, një nga konglomeratet më të mëdha në botë, ka në pronësi marka si Louis Vuitton, Dior dhe Celine.

Ndërkohë, pasuria e Musk është rritur në mënyrë eksponenciale vitet e fundit, kryesisht nga shitjet e makinës elektrike që ai prodhon, Tesla. Aseti i tij më i madh aty janë aksionet, sipas Bloomberg zotëron 13% të tyre.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Përtej ZBRITJEVE në Viva Fresh Store!

Të tjera

Fokusi

lifestyle